يا أميرة ؛
ودي اعرف وش نهاية هالمسيره
وش بقى خافي بالسريره
احبك
مو جديره ان تكفي مقامك يا أميره
حبي لك
اكثر من قطر المطر في غزيره
يا أميره
وش يثيره
ذاك الخفوق اللي بالحشا عينه قريره
وش يثيره
ذاب الخفوق واشتعل به سعيره
احرقته الحيره
يا أميره
يعترف انه يحبك ولا يسكت
ويخفي لوعات حبه في ضميره
يا أميره
ضاق صدري من لوعات الوله
باللحظه الاخيره
ماعاد يخفي عن الناس حبك
الا عنك
خوف منك ؟
ولا صدك ؟
ولا هجرك ؟
مدري !
شتتت ااهات حبك عني فكري
بس تدري
انتي بدري
هل رضيتي ؟
ام شكيتي ؟
ام حنيتي للواقع راياتك واكتفيتي
مدري ؟
غير انك في هواي ما عنيتي
واني مايوم عن حبك سليت
او اكتفيت
ولو رويت من شفــــاك السلسبيل العذب
ما انتهيت
ما ابالي
ولو تقولي ذوق طعم الحب واطلق حبالي
ما ابالي
بس لحالي
اكتب خواطر
وانثر على الورق ما يجول ببالي
يا نجمي العالي
شوفي المسافه بين ارضي والقمر
هل تكفي حبك ؟؟
دام كل يوم في قلبي يعمر
ودام الشفاه الشبيهه بالجمر
ثغر يقتبس منه القصايد والنثر
ولا الجمال اللي كسى ذاك النحر
يشتكي من شافه قل النظر
مايرى غيره شي يسحره
يجمع له اعذب كلامه وان شافه ....
ينثره !!
وان ابحر في عيونك
ضاعت علومه وانتحر
وان وصل شاطي رموشك
هام فيها واحتضر
وان بغى يوصف الوجنه
احتاج فيها لـ 100 لجنه
يصدرو له قرار
هي وجنه ولا جنه
يا سفيرة شبه الجزيره
بالجمال يا نضيره
راجعي دفتر هواي
كان غيرك في سماي
وارفقي بقلبك معاي
وانعمي معي بدلال
ومن ثغرك اسقيني الزلال
والله احبك
واوصل لحد الهبال
ولو تقولي ما ابال
ولو ابي انسى محال
اخوكم / سند العنزي
المواضيع المتشابهه
العرض الشجري