كيف تحرقين قلب الشاااب

[قمر الليل]

[align=center]

هاااااااااااي قاايز وقايزات

اشحالكم ؟؟ شخباركم ؟؟

ان شاء الله الموضوع ينال اعجابكم



1ـ أول ما تطلعين من بيتكم عطيه النفس الشينة خليه يكره يومه ويشك بنفسه.

2ـ إذا كنتي بالسيارة و يمج واحد حليوه مصدق نفسه لأنه كاشـــخ مسكين و شاد حيله لابس هذيج الكندوره وسامت بالغترة والعقال يعني على ذوق البنات حسباله "براد بت" الأخ .. التفتي عليه و طالعيه شويه عاد و هو على طووووول راح ترتفع معنوياته مكيف.. بس قاضب نفسه "أنا الثقيل" ما أعطي ويه البنات !! و لما تحسين كلش خق و تولع شفطي بويهه ها ها هاااااي اهو عاد راح يتفرفت قلبه و تطلعله قرون و إذا لحق عقب هذا يدل إنه cheap .

3ـأهم شي بنات الجامعة شوفوا شحاطة الشباب عاد.. نوعهم مقترين "نسفة عبد المجيد" و فهموها بأه.. يعني طالعين فيها و مسوين "السنجاب" يعني عمرو دياب تمللي معاك لا وطالعين طلعة بل "Italian Touch " و فيكم خير قولولهم شفي الشنب على طووووول الرد زاهب "الحلاق اللي خربه , فا لازم أشيله" ... لا و منفسين الاخوان و يجثحون تتن يعني " حسينو الشري" و عاد ما يحتاي تعريف بو علييييوي .. مساكييين يعني احنا الرياييل " على الطل " و حدهم فحطة عل البنات حتى المحاضرات مالهم خلقها بس قاعدين بصطة تعليقات على الرايحة و الرادة حسبالهم ما يبين و مسوين روحهم لاهين مع الانتخابات "مالنا خلق شي" و كل الي في بالهم شلون يلفتون نظر البنات و عشان تقثونهم يالبنات السنعين "بنات الأصل" بنات الديرة اتبعوا الخطوات التالية:

*إذا كان يمج بالسيارة عند المواقف و كاشخ حده بسيارته مسكييين يبي يغطي" يبي يرق جكره" لان هابين هبه إذا موترك زين"غالي" اطيح بنات وايد.. عاد " سحبي السيفون " بويهه و امشي خليه يموت قهر.. و إذا لزق و كمل اللحقة بس قاضب الاخ يعني ترى مو لاحقج صدفة نفس الدرب .. كملي الدرب لأن بلاغة شف الاماراتيين بيموووت الا يعرف وييين البيت عاد "عوووراي" فيه بالسكيك علشان يفتر راسه عدل و خليه يخيييس مع شمسنا الحنانية J

*ديروا بالكم يالبنات ترى الشباب هابين هبه يسوي روحة ماله خلقج مو معطيج بال و الراس سمته حده سيده " بس ما عليج ترى قاط العين على الطرف بعد شوي يصب حوله" حسباله ما يبين و صاكه راسه من قطة العين ياله صدااع !!! إيه لأن لابس النظارات الكبار عشان يغطي بس ترى جاكينه.. و إذا رحتاي و ما عطيتيه ويه يتلفت و يدور تحسف الأخ يقول " وين راحت وينهاااااا" ؟؟! توها يمي" و يقعد يحوس عاد.



4ـو الى عاد ستاربكس يعني هابين يصفطون جبال الباب" و يطقون فلشر" يعني مستعيل ترى بس مار مرور الكرام و اهو ميت وده يبسط بس تحسف ما طفه السيارة و بعد خلاص ما يقدر يطلع و يرجع مرة ثانية عشان ما يبينون لكم يا البنات الحلوين انهم متولعيين .. و لما يطلع يقول حق صاحبه " كله منك ليييش ما قعدنا".

5ـ و إذا شفتيه بقهوة و الا في مكان عام و قاعد بروحه تلقينا غصب يسوي نفسه لااهي مع الموبايل و يتكلم فيه نايم عليه نووم " يعني الصاحبه" و اهو مو قاعد يكلم أحد حلاته يرن بصوت عالي عشان ينقص ويهه و إذا تبينه ينقث مسكي موبايلج و نامي عليه نوووم والله يقعد "يوارص بمكانه "

6ـ و الحين حطوا بالكم بنات تره هابين بتلفونات الكاميرا يعني بله شحقه شاريه؟؟؟ طايحين له تصور بهالبنات يسوي نفسه يعني يجيك مسجاته و الا ايميلاته يعني Business Man الحبيب و اهو " مزوم " على فلانه وعلانة و حق التشهر زاهبيييييين .. عاد انتي إذا جابلج سيده عطيه ظهرج خليه يتنهنه يصور العامود " المنده" .



والله ترى هذا يزاكم و أقل من يزاكم يا الشباب على سواياكم .. أنا أقول "يوزاو" بسكم من هالحركات ترى عارفينكم والله.

و بسكم تصنع و تفلسف زايد و مقصه على اليهالو بنات الثانوية.. و خلكم طبيعيين ..

لا و حاطين على البنات حطه بالمكياج ماسكين عليهم , على الأقل اهي بنية لازم تطلع حلوة بس انتوا عيل شكوا تحفون ؟!! لااا و تنظيف بشرة بعد!! و حتى القفل شكوا تحطونه مو عشان يحليكم و يرق شوي و يصغر الحنج ها ؟ و الشعر خبه وجيل يعني تبون تقلدون "شاروخان" و الله انكم صرتوا ارده من البنات .. لا و حتى المصلع قام يرقع ماكو حل الا تحسونه عالصفر يعني "عسكري" J ترى انعرفت الحركة.

و تره في حجي وااايد عنكم و طرق أكثر حقكم يالبنات بس مابي أطول عليكم أكثر إنشاء الله الايميل الياي.. بس مو تنسووون بنات , طبقوا النصايح و شوفوا النتايج.. و أدعوا ليJ



· و ترى على فكرة شباب كل هذا من باب المداعبة يعني Just Kidding .

وعلى فكره موكل الصبياان جذي يعني صبي عن اصبي يفرق مو كل اصبي بالبنيه يلزق مثل صنع اديه وحيات عنيه [/align]