آرعصوآ بهذآ يـآبعد حيي ...

[لـــيـــش]

السسسلام عليكــــــــم


كيفكم يالربع عساكم تزقحوون



ابي اقولكم عن مواقيفي بالحياه >> عربي لو سمحت



المهم ببدا (بالموقف الاول)


مره كنت جالس انا وخويي بالجامعه وانا كان معي الجوال وجالس اطقطق بووه


المهم قال خويي وش تسوي انت قلت له ابد داخل ايميلي


ناظر فيني وهو مستغرب قال وشو ايميل


قلت انا بالله ماتعرف وش ايميل >> طبعا انا توقعته يستهبل


قالي لا والله اول مره اسمع فيها >> حسيت انه جاي من البر


قلت انت متاكد انك عايش مع العالم ولا عايش بخيمه ولا وش قصتك انت


قالي لا بس الايميل عباره عن ايش


قلت اوادم يسولفون معك

قالي أي انسان يسولف معك حتى لو من اوربا


قلت أنا انت تضيف الناس الي تبيهم >> بغيت اخذ عقالي وامردغ فيه


قالي أها اجل بكره بدق ع الاتصالات واقولهم يسوون لي واحد >>


طبعا انا هنا عيوني طلعت برا مدري اضحك ولا ابكي من الغباء الي هو عايش بوه


قلت أيه أيه دق ع الاتصالات وقولهم سوولي ايميل >> ان ماهزئوه تهزئ ماكون انا بدر

......................

( الموقف الثاني )

أنا عندي خوي يحب شي اسمه بنت مستحيل يعيش يوم بدون مايسمع صوت بنت او حتى يكلمها بالماسن


يعني انا اتوقع حتى بعروقه مكتوب بنات >> لايكثر بس


المهم مره خطرت في بالي فكره كنت ابي اكرهه بالبنات .. طبعا هو 24 ساعه بالشات يجمع

بهالبنات

المهم دخلت انا بنك بنت الي هو (ريوومه) >>اي وحده اسمها ريومه اعرفو انها ذكر


ورحت الروم الي هو متواجد بوه دايم دخلت اسولف بالعام طبعا اتدلع واسوي حركات البنات الماصخه الي عارفينها انتم >> بيتسطر


فجأه لقيته ناط عندي بالخاص أنا هنا انبسطت قلت ياولد جبت راسه


طبعا انا قلت لازم اثقل شوي تخيلو شكلي وانا ناط له على طوول يقول ذي ماشافت خير >> هيه صدقت انك بنت

المهم وهو يقوول تعالي عاد لا تتغلين ... الا اجي انا بكل رقه ونعومه ودله وغنج >> ولد اهجد


قلت له هلا >> انا خقيت على نفسي بصراحه


قالي اهلين مابغيتي تجينا ياحلوه ..... عاد بغيت اقوله مفارقني الحلى بس تذكرت اني بنت >> موب متعود ع المدح


عاد انا حطيت ضحكه ههه >> مسوي رقيق


قالي تصدقين اني حبيتك وحسيتك انتي فارست احلامي المنتظره >> وش عنده فريد شوقي

قلت انا تسلم ياحياتي >> ياعيني ع الرقه بس


قال ماعندك ايميل ياحبيبتي .... عاد انا هنا توهقت مامداني اسوي ايميل بنت وماعندي الا

ايميلي

قلت له لحظه ياقلبي احاول اتذكر ايميلي لاني مادخله كثير ونسيته >> ابو المخرج ياشيخ


قالي أها طيب خذي راحتك بالتفكير >> طبعا هو يسلك لي


وانا اسوي ايميل بنت سريع سريع واجيه وانا طاااااير قلت له تذكرته


قال وشو ياحياتي .... طبعا الايميل مشفر لاني بصراحه مابي ازعجات انا بنت اخاف على نفسي >> هيه هيه لاتصير جنس ثالث بس على هالكلام


المهم ورحنا على الايميل وسواليف وغزل وحركتات كذا .. وصارلي اسوي فيه هالمقلب ثلاث ايام


ومره تجمعو الشله بالاستراحه وجيت انا


قام هو قال يالله انا استأذنكم


قلت انا وش عندك ؟؟


قال ابد بس عندي موعد مهم وابي اروح


قلت له لايكون موعدك مع ريم بس

هو هنا ناظر فيني مستغرب قال وش دراك انت عن ريم


قلت في احد مايدري عن نفسه ريم انا يالدلخ


والشباب هنا تشقلبوووو من الضحك هههههههههه


وهو زعل من حركتي وصارله يومين ماكلمني بس اهم شي اني كرهته بالبنات >> نيهاهاهاهاهاي

.......................

( الموقف الثالث )

كنا رايحين زواج أخوي طبعا انا والاهل


وكنت انا كاشخ بالبشت ومرسم وحركات طالع اشبه توم كروز >> بتلحس مخ العالم انت


المهم امي قالت ابيك انت يابدر واخوك تدخلو عند الحريم طبعا انا استحي >> مفارقك الحياء

قلت يمه لا تحرجيني تكفين ..

قالت امي ليش قايلتلك بخطبلك انا قلت ادخلو بس ارقصو واطلعو يالله مهنا كلام فاضي تعال انت واخوك طرخ >> صوت السماعه


جينا انا واخوي دخلنا انا منزل راسي مابي ارفعه يشووفون ملامحي الحلووه ويحسدوني >> احلف عاد يا براد بيت انت


وصلنا المنصه ووقفت جنب امي ...عاد امي ناظرتني وتغمز وهي معصبه >> فهمت انا انها تبيني ارقص


واشوي اخوي يرقص ومستانس ع الاخر رحت انا طبيت وارقص ويمين وشمال وفوووق ويالله يالله >> تحمس الولد


وخلصنا عاد ونزلنا ونمشي الا طرررررررخ الا انا طايحن على راسي


واخوي يقوول قم الله يفشلك وهو فاطسن ضحك علي


عاد انا جالس ع الارض ولا قمت ومنزل راسي والله مستحي ارفعه عند هالعالم


الا تجي بنت تقووول قوووم عادي تصير بأرقى العائلات هههههاااااي>>


بغيت اقوم اتوطا ببطنها بس مسكت نفسي >> يابطل انت


قمت وحطيت شماغي على وجهي ومشيت


وربي انحرجت ذاك اليووووم بغيت اصيح >> يارقيق انت




مايستفاد من الموضوع ..


1/سلك لاخوياك الاغبياء
2/أي واحد عنده خوي يحب البنات ماله الا فكرتي العبقريه
3/أذا عندك زواج لا تفكر انك تدخل عند الحريم


لا تحرموني من ردوكم الحلوه ياحبايب قلبي >> مسوي اسلوب