بسم الله الرحمن الرحيم
الله أكبر
الله أكبر على حقل الزتون محروت
الله أكبر على عيش للحمام مفتوت
الله أكبر على أسلاك وراها بيوت
الله أكبر نشيد فوق البيوت منحوت
الله أكبر بقى المرة دي مش ح تفوت
الله أكبر ولو كانت تمتها الموت
الله أكبر عساكر خايفة من تابوت
الله أكبر عيال بيزلزلوا الملكوت
الله أكبر كبار بتقول كلام متلوت
الله أكبر وحق انبحّ منه الصوت
الله أكبر على الباهت و ع المبهوت
الله أكبر على الساكت يلاقي سكوت
الله أكبر على اللي يصدّق الجبروت
الله أكبر ما متناشى ومات الموت !
صـ 61 ـــ
التار الطويل
ده تار طويل
من جيل لجيل
والطلقتين
متحوشين
والرد دين
يا إسرائيل
ده حساب طويل وما لهش حد
مع كل حد يروح له حد
وكل بيت في مصر حد
على شهيد ناره تقيد
في سينا أو في بور سعيد
خمسين سنة إيه اللي جد
نفس الوطن نفس القتيل
وده تار طويل من جيل لجيل والطلقتين
متحوشين
والرد دين
يا إسرائيل
إزاي حننسى ظلم فات
وهو معتاد عالشاشات
ضرب العيال بدبابات
هد المدارس ع البشر
كيف تتنسى بحر البقر
والدم فوق الكراسات
نفس الوطن نفس القتيل
وده تار طويل
من جيل لجيل
والطلقتين
متحوشين
صـ 63 + 64 ـــ
المرجع كتاب : المنظر .. تأليف : تميم البرغوثي
تنفيذ : Special One 
المواضيع المتشابهه
العرض الشجري