مقالب أيام الدراسة

[نور الليل]

بسم الله الرحمن الرحيم
السلام عليكم ورحمة الله وبركاته
[align=right]مدخل...
[/align][align=right]نروح المدرسه بدري ونضحك داخل الطابور نحاول نزعج العالم بروحتنا وجيتنا [/align]

[align=center][/align]

[align=center]اليوم خطر لي استرجع ذكريات المدرسة ...يعني اكيد كل وحدة منا صارت معها
مواقف و أحداث مستحيل ينساها ...وخصوصاً حركات الشيطنة والمقالب بالمدرسات
من الضحك اثناء الدرس و الاكل ضمن الصف واللعب وكثير من المواقف الثانية ...
والمقلب صار في حصة دسمة جداً يعني يبغى لنا ننتبه للدرس
و هي حصة رياضيات و كان عند وحدة من الشلة فأر لعبة هههههه
طبعاً الكل مندمج في الشرح خصوصاً بنت كانت تجلس جنبي
المهم أخذت الفأر و رميته عليها هي صارت تتناقز من الخوف
و كل البنات ويااها يفتكروا شي صحيح
بعد ما اكتشفوا أن الفأر لعبة هدأو البنات أستوعت المعلمة اللي صااار
و بدأت تهز و طبعاً التهزيء لي بالدرجة الاولى
و أنا في موجة ضحك مو طبيعية لدرجة طاحت دموووعي
و البنت ما زالت تصيح من الخوف
هههههههههههه
شرايكم في مشاغبة أيام الدرااااسة



ما زلنا في مقالب أيام الدراسة لكن هالمقلب يسمى ( بيت الاشباح )
لما كنت في ثالث متوسط كان عندنا يوم مفتوح يعني بدون دراسة
و كان يتخلل هاليوم أشياء كثيرة و حلوووه و أركااان
ركن لعب ( بلاستيشن ) , و ركن بيع (كماليات و أكسسوارت )يعني شغلات يفضلهم البناات
ركن بيع ( ورد ) و هذا أهم ركن بالنسبة للبنات و إزدحام عليه
و الركن الخاص بالمقالب هو ( بيت الأشباح ) و كان هالركن متقن بدرجة كبيرة
و متاهاته كثيرة طبعاً الفضل للمعلمة و البنات القائمين على تنسيقه
و الفصل كان كبير و هذا ساعد في إظهاره بشكل حلوو
أستمر هذا الركن أسبوع من كثر الأزدحام اللي صار عليه و بنات المدرسة عددهم كبير
المهم
أنا قررت أدخل بآخر يوم بمحاولة من مربية فصلنا قررت أدخل
المشكلة أن البنات اللي يعملوا المقالب في بيت الأشباح محد يعرفهم
لأنه سر بينهم و بين المعلمة
دخلت بيت الأشباح و كان الصوت المرعب يطلع قبل لا نوصل
و هذا اللي خلاه مرعب بالأضافة إلى
الشغلات المرعبة اللي مسوينهم البنات المجهولات
طبعاً الي تدخل يكونوا هم عرفينها بس هي لا و كان من ضمنهم بنت خالي و صديقاتها
و تولوا تخوويفي عدل حتى شعري ما سلم منهم و من شدهم و حد جيبني منا
و وحده تدويني مناك
و أنا خلاص تعبت من كثر الصراخ و البكي
و لما وصلت لآخر متاها فرحت بس ما كانت النهاية لأنهم ودعوني بأكثر من الأستقبال
و ما طلعت إلا بالبكي أكثر من اللي كان داخل
و رجعت الفصل لما شافتني المدرسة و البنات ضحكوا علي لأن رجعت بالبكي[/align][align=left]مخرج ..[/align]
[align=left]كبرنا وصارت الدنيا تصف أحزاننا بالدور وكل غارق بهمه وفي الآخر تشتتنا [/align]