حايل بنت الخيال

[سعود العلي]

كثير من الشعراء ،
ابتدوا بـ الغزل بـ ( عروس الشمال ) ،
حائل .!

وهنآ / نجد الشاعر العذب .

( مساعد الرشيدي ) ،

يترك لـ قلبه ترجمة المشاعر
وإظهار الحُب لهذه المدينة .
مدينة الكرم ، مدينة الرجال
بنت الخيال ،

نجد هذا الشاعر ، ينثر احاسيسه بكل صدق .
ويُبروز حروفه بـ عشق صادق لـ هذه المدينة .
مدينة ( حاتم الطائي ) ، مدينة ( الكرم ) ،

/
\
/


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
سـلام يا حـايل حبيبة طي .. بنت الخـيال=اللـيلة انـتي ســيدة حـرفي وانا شـاعرك

قالوا انك مـا كـبرتي يا عـروس الشمـال=باقي عـروس .. ويلمـع البـرّاق بآساورك

لا .. لا تقولي شيّ عـن سـر البهـا والدلال=إنـتي خطــاك الغـيم حـيّي وانـا عـاذرك

الله عــليك لـيا تواضــعتي وقـلتي تعــال=والله عـلى هــيبة غــرورك نوب ومكـابرك

المسـعد اللي كـل ما ريّـع عـليك الظـلال=لمّ البخـتري والنفـل والشـيح عـن صـابرك

ما ادري حـرام المـوت بـين يديك ولاّ حـلال=لكـني ادري لـيه انا أحــبك ولا أشـاورك

يا مـرتع التاريخ لا عـدّت فعـول الرجال=المجـد مـن مـا ضـيك مســراته إلى حاضـرك

إنتي ليا جـا للكـرم طاري وجـابوا مجـال=كـلّ تمـنّى لـو يجـــي مــرة عـلى خاطـرك

وانا ادري انك فوق كل اللي تقول ويقال=وان النجـوم تغـار لو ان القمـر جاورك

والشـاعر اللي لا كـتب بك ما يثير الجدال=الله وامـانه يا بعــد حـيّي مهـو شـاعرك [/poem]