**يقولــــــــون مالايفعلــــون.. **

[سـَمآ ♪]

مدخ ـل ..}
:
:
يا صاحبي خل القصص والحكايات
وش ميزة التوت إن فقدة لذة التوت

"
"
"
"

مشهد (1)

في الكلية والامتحانات ع الأبواب
نوره : موادنا صعبه ويبي لها مذاكره قبل يومها
ساره : فاضيه بس اذاكر قبل ، خليها ليومها
نوره : تهقين يمدينا ؟؟
ساره : انا مانيب مذاكره فاضيه بس ، بيمدي ان شاء الله .

نوره صدقت كلام ساره
جا الامتحان اخذت ساره اعلى التقادير ونوره تقادير متدنية !!

مشهد (2)

في مجلس زي مجالسنا الاجتماعية تلاقي ام تحكي
ام فهد : والله هذ1 الحلى بنتي مسويته .. ما لمست شي
ام نواف : ما شاء الله ..
ام فهد : والله شايله البيت عني ولا المس شي من المطبخ

راحت ام نواف بيتها ،وحكت لبناتها ما شاء الله بنت ام فهد تساعد بنتها مو مثلي الله يخلف

وتصير مشاكل ومقارانات وبنت ام فهد بالحقيقه ما تلمس شي بالمطبخ !!!

مشهد (3)

محمد : والله ابوي ما يمد لي الا بالميه والميتين
عبدالله بخاطره مهوب مثل ابوي الله يخلف

ومحمد نصاب لا يمد له المية والا الميتين

مشهد (4)

في عالم النت وبالمنتديات

تلاقي أحد الاعضاء – بنت او ولد –

يرد لي في موضوع الأخلاق وما الأخلاق والادب والاحترام وهو بالرسايل الخاصه عامل عمايل !!

مشبك مع فلانه ومع علانه !!!

مشهد (5)

يحكي لي واحد قريبي يقول والله كان معنا فلان دايم بالمنتدى الاسلامي
وفيه من الالتزام ما فيه ومعروف فلان والله ملتزم .لانه يحكي عن تربية اللحى ويحكي الدخان .. الخ

يقول تواعدنا معاه في مقهى والله اللحيه مكنوسه
والشيشه بخشته
وقلنا يا فلان منت ملتزم

قال هذ1 بالنت !!

"
"
"
"


مجموعة مشاهد عرضتها لكم من واقعنا سواء في العالم العنكبوتي او عالمنا الحقيقي

هؤلاء قوم اسميتهم قوم " يقولون مالايفعلون "

نتبصر شوي
بالمشهد الاول
يعني وش الهدف من الكذب ؟؟
هل هو حسد ؟
ام تغطيه لما تفكر في فعله ؟؟

المشهد الثاني
وش غرض قول ما هو غير صحيح ؟؟
سببت مشاكل بين الام وابنتها

المشهد الثالث

سببت حقد الولد على والده
وياليت الكلام يكون صحيح كله كذب × كذب

المشهد الرابع

مهما كنت في عالم النت لابد ان يكون لاحترامك لنفسك قدر كبير
ما نقول ما احد يعرفنا نسوي اللي نبي ونقول اللي نبي

يجب ان يكون احترامك لنفسك كبير




المشهد الخامس

للأسف صار الدين منظر وديكور ، ما نقول الا الله المستعان


"
"
"
"


يا ترى ما هي علة هؤلاء القوم ؟؟



انا اعتقد الهدف الأساسي ان الشخص دائم يقول مالايفعل ليغطي على ما يفعله بالحقيقه :

"
"
"

مخ ـرج ...}
:
:المشكله ماهيب في كثر الأصوات
المشكله لا صار مال العقل صوت