وفات الموعد البارح وجت ترسل لي الأعذار
تعيد السالفه هيّه تقول إنه غصب عني
حبيبي واسمح الزله وكن اللي جرى ماصار
لقانا باكر الساعه ثمان ولاتمانعني
من اللهفه خفق قلبي وعقلي من السعاده طار
وقمت أرسم على كفي حياتي وهي تعانقني
يجيني وعدها شمعه وتجي طلاتها أزهار
على ذيك المرايا صرت أخايلها تداعبني
وشفت انها بتهمسلي وتحكيلي قصص واسرار
وشفت اني أعاكسها مثل ماهي تعاكسني
كتبت أجمل قصيدة حب وشلت لها عقد وسوار
وباقة ورد في إيدي هدية حبنا مني
غديت الحارس الواقف على الشارع يحرْس أنوار
ذبل هالورد في إيدي وخان حضورها ظني
ذبحني عقرب الساعه . . قتلني الموعد الغدار
على نفس الرصيف اللي حياتي دوم تدفنّي
ومات الموعد الليله وباكر تختلق أعذار
تعيد السالفه هيّه . . تقول إنه غصب عني
المواضيع المتشابهه
كتبت أجمل قصيدة حب وشلت لها عقد وسوار
العرض الشجري