لجنة التعديات + البلديه + الدفاع المدني + الجوازات

[خفجاوي]

[align=center]
بسم الله الرحمن الرحيم


الحمدلله والصلاة والسلام على رسول الله وعلى آله وصحبه أجمعين


أخواني أهالي محافظة الخفجي
أحبائي أعضاء منتدى الرائديه

السلام عليكم ورحمة الله وبركاته :


عندي كلام وخايف أصحي المحافظه والبلديه والدفاع المدني والجوازات من النوم تدرون الجو حر والواحد ماله خلق يؤدي عمله


إلا إذا كانت مصلحه لأمنا المحافظه تصير جميع الدوائراستنفار تام

خاصةً الشرطه ( لها موضوع خاص اتكتكله مضبوط ..... يا عالم شي يقهر في اسكان قوى الأمن الداخلي لايتم السيطره على الأمن فأين يستطيعون السيطره الحراميه انواع الفله )

عذرا طلعت عن الموضوع لاحقين عليه


الزبده :



من فتره تذكرون لجنة التعديات اللي ما خلّت مسلم في هالبر ما جابوله الضغط والسبب تافه مره يقولون الحدود قريبه وكل واحد من اللجنه يعطي المواطنين عذر والأخ المحافظ عزبته جنب البحر ولا عنده من الشيطان قطعه هذا مثل على الهدوء ..

قلنا حسبنا الله ونعم الوكيل ناس يمكن تطبق النظام معذوره ولجنة التعديات ناس مضغوط عليهم يمين يمين يسار يسار

راحت السالفه من مده السبب اللي خلاني اعيد الشريط مخالفات وتعديات على املاك الدوله من بعض المحلات ماخذ من الرصيف له كم متر والا باني على ارتداد البنايه والا والا والا ..... اسباب عد واغلط ويروحون للمساكين اللي على قدهم قاعد يبنون نازلتلهم سلفيه من صندوق التنميه ما تكفيه حتى عظم ويجيك الأخ موظف البلديه هذي مخالفه وهذي وهذي ويمنع المقاول لا يكمل شغله الا بعد ازالة المخالفات وبين هذا المسكين صاحب السلفيه وبين احد الهوامير الواصله يمكن اربع خمس اراضي مافيه مخالفه الا ومسويها والأخ الراقب ما شوفها


اللي ابي اوصلّه ان اللي مايعرف احد في أي دائره يكسر الخاطر


نرجع على عنوان الموضوع


شد انتباهي أمام أدارة مرور الخفجي بوفية بانوراما وعلى جابيها مكتبي تأمين المكتب الأول مدري سكن عمال او مكتب والثاني كنه حوش منزل ومغطينه كيربي أو بانين على الشارع مدري بالضبط والأخ صاحب البوفيه السوري ( بالأوراق صحيح لسعودي ) ولا سمعت بالباطن ان مكاتب التأمين أيضا للسوري ما علينا الله يرزق المسلمين لكن يركب لوحه قماشيه ( يوجد تسديد رسوم ) هذي والله كبيره لأنها مخالفه صريحه واسألو موظف البلديه المختص واذا نفى يخليني أشغل المصادر مضبوط واجيب الأولي والتالي ( هذا مايخص لجنة التعديات والبلديه)

أما الدفاع المدني فأدوات السلامه البسيطه لا توجد اسلاك كهربائيه مكشوفه اسلاك مبعثره وتعرفون حرارة الصيف تحب الكهرباء حبا شديدا
ناهيك عن الطفايات الظاهر الثلاث محلات على طفايتين

وأما الجوازات يوجد باب بين البوفيه ومكتب الدرع للتأمين سكن عماله يحتاج زياره

اترككم مع الصور

ترقبوا الموضوع القادم ( الأمن في اسكان قوى الأمن)




[/align]



[imgr][/imgr]



[imgr][/imgr]



[imgr][/imgr]



[imgr][/imgr]




[imgr][/imgr]


[imgr][/imgr]



[imgr][/imgr]





[align=center]
خفجاوي
[/align]