في يدينك لمني واستر علي لامن شهقتـــ

[أبو فيصل]

في يدينك لمني واستر علي لا من شهقت
لو تشوف ابكاى وقف لا تقول اني بكيت

قول دخان الزقارة في عيوني واحترقت
جيت اطفي ما بقى فيها ولكني نسيت

دور لدمعي معاذير(ن) كثيرة قل عرقت
إلا تدري قول مدري احسبك نمت وغفيت

والله إنك ما كذبت الا معي دايم صدقت
بس عشاني ليت تكذب بس هالمرة ياليت

سو نفسك ما سمعت اني اناديه وشرقت
عدها شرقة مريض ومن سخونتها هذيت

تكفي لا تسألني عنه من كثر حبه زهقت
كل ما بغفي والمك مر بالبال ووعيت

تجربة ولا لها حظ وعلى طول افترقت
انتهى المشوار فيها كان بايع واشتريت

واحدي سير على قلبي وخذ وياه وقت
أي وقت! إلا خذا وياه قلبي وش خذيت

كود جرح وونتين ودمعة العين وحرقت
قلب منهو يسمع ابيات القصيدة بيت بيت

هو نساني واحسب اني لا عشقته انعشقت
وانت أبيلي عيب واحد فيك ما عمري لقيت

هو سرق مني ابتساماتي وانا منك سرقت
قلبك ومذكر عطيت بيوم من قلبي ووفيت

حتى في عز اندماجي في غرامك ما نطقت
إلا اسمه والمصيبة قلتلي سم ورضيت

لا شرهت ولا زعلت ولا تغيرت وفرقت
هيه هيه الابتسامة ما تكدرت ومشيت

بس دمعة من عيونك وان سألتك ما صدقت
قلتلي الدخان داخل في وسط عيني وبكيت

مما راق على إعجابي