حرام
حــرام إنك تخليني أعيش الوقت في حيره
أعـذرك وإلا ماعذرك حياتي فيك مفتونه
تعال نـــراجع الماضي ونعرف قصة السيره
ونبكـي قسوة ظروفك حرام تصير مدفونه
شعـوري صادقٍ يمك وبعدك شنهو تفسيره
عيوني تسكن عيــونك وعيني فيك مجنونه
سهير الليل يا غالي وعقــلي طـال تفكيره
دقايق عـمري لك تبكي وقلبي راح بظنونه
أقول بصوتي العالي حرام الهم ما غيـــره
يجيك ويحـرق أوراقك وقلبي زادت شجونه
أعـــاني لوعة الفرقا وجرحي زاد تأثيره
أعاني من ردى حظي وحلمي ماتت غصونه
حياتي يابعد عـمري بغــيرك والله قصيره
ويومك غايبٍ عني دموع الــعين مرهونه
رسمت الهــم في عيني وهمي جاك تعبيره
وبشكي من مــعاناتي ونفسي منك محزونه
دمتم سالمين ,,,,
المواضيع المتشابهه
العرض الشجري