هذه القصيدة مهداة الى رغد صدام حسين بعد خروجها عاى
الفضائيات العربية والاجنبية اخذة من منتدى حايل
رغد بنت الاسد
ياللــه دخيلك كلما بانت على الشاشه رغــــــد
مثل الجمر من ناظري ينهل من فوق الخـدود
تكفون يأشراف العرب هالبنت لاتظهر لأحـــد
مثل السبيه أصبحت مابين أوغـــاد ويهــــود
لاشفتها جاني بــلا وأموت وأحيــــا لــــــلأبد
وألعن أبو جــد العرب من عصر عاد لياثمود
يابنت كفّي دمعتك أفـــــداك انا بــــــمال وولد
خوذي عزيمة سيّــــد الشجعان لايفرح حقود
يابنت قوليها أنا أخـــت الشبل بنــــــت ألأسد
بنت اللذي لامن زعل تخشاه بالغابه فهـــود
وأمّا علي ياعزوتي من شمري خوذي عهد ا
اللي غـــدر بأشبال أبو عدّاي ماوالله يعـــود
طال الزمن والاّ قصّـــروالاّ سكن بأيا بلــــــد
لنا أيادي تاصل الغدّار... والنــــذل الجحـــود
النصر من ربّك وعد للمسلم وذلـــّــــــه بعــد
تجمّلي بصبر(ن) ولامن كبرت القاله تهــــود
صلّي ولبّي وأدعي ولحّي بصــــــلاتك بالمدد
ففزعة جنود الله للمسلم صواعق بالرعــود
في كل ليله رتّلــــــي سوره بها الفرد الصمد
في سكرة (ألأوباش)وألأنـذّال من حوله رقود
لابد مايأتي الفرح والنصر من ربّك وعـــــد
سود الليالي ليادبرت لابد مايـــــو م(ن) تعود
بالمعركه ينجح سعد ..في حينها يسقط سعـد
ماهو بقولي يارغد ...حكمه من أفواه الجدود
المواضيع المتشابهه
العرض الشجري