بسم الله الرحمن الرحيم
السلام عليكم ورحمة الله وبركاته
اليوم قلت خليني عن الفصحه و اكتب لكم بالعاميه
مدري .. طقت براسي كذا
اقول سامحوني اذا بيطلع لكم مصطلح ناظر شمال وللا يجيكم كلام ماهوب مفهوم
عذرا و السموحه ماني بسعودي ترا لهجتي غريبه اشوي
يالله نبدأ على بركة الرحمن
اليوم موضوعي اعتقد فيه انو مهم .... مدري عنكم ... ترا الناس اذواق
اقول
صرنا في عالم النت نبحث .. ندور .. نلفلف ع اللي نبيه .. و كثر نلاقيه ... و جايز انا ما نلقاه
زمان قبل لا ينتشر النت كان يوم نريد موضوع ندور بالمكتبات نسأل و نراجع فهارس الكتب لين نحصل الموضوع اللي نبيه بكتاب
أو نسأل كثير ناس من المعلمين و الاساتذه و نقول تدرون عن الموضوع ( كذا أو كذا ) أبي اعرف وين القاه
يوم نجد الجواب و ايام ما نجده
و يوم نلقاه ندور تالي عن المعنى اللي نبيه
و ان كان موضوعنا له شق اجنبي يا ويلنا .. نلف باللغه الاجنبيه ندوره و بعد ندور له ترجمه
اليوم
صار الموضوع اسهل كثير
هوا جوجل وللا ياهوو وللا اي موقع سرش غير و نحط عنوان موضوعنا و نبحث
و الطبيعي انا مو بس نلقى موضوع واحد الا بالغالب نلقى موضوعات
لكن
مدري
احس بالأول كان للسالفه طعم غير
كان نلقى اللي نبيه وسط سعاده غامره مدري سببها انا لقينا اللي نبيه بعد عناء وللا سببها انا لقيناه و السلام
المهم اليوم
ندور و نجد ما يحلو و ما طاب و لكني ما عدت افرح اذا وجدت ضالتي مثل اول
يا ترى
ثورة النت اهي اللي جابت عدم اهتمامي و للا مدري وشو اللي صار
و الأهم يا ساده بزياده
ليش اليوم ما عاد فيه فكر مثل اول بالرغم من ان النت صار اسهل
وبعد
اسأل بالله .. وين راحت الكتب ؟
هل أكلت التكنولوجيا صفحات الكتب
أم أن صفحات الكتب تراها تخفت ورا صفحات النت ؟؟
يعني الخلاصــــــــــه
يوم كنا ندور بالكتب و نتعب لين نلقى اللي نبيه وسط الكتب كنا نطلع فكر راقي و نتطور
و اليوم عندنا النت و البحث فيه اسهل بس ما نلقى أفكار ؟؟
اقول
ما السر في هذا ؟
أتمنى الاجابه
اخوكم فارس
المواضيع المتشابهه
العرض الشجري