[align=center]هذه قصيده اعجبتني واحببت ان انقلها اليكم [/align]
تو اشرقت شمس الضحى واقبل العيد
.............................تو الفـرح فـي دنيتـي يحتوينـي
دوبي عرفت ان الغـلا دون تحديـد
............................مثل الغـلا لا صـار بينـه وبينـي
ياما عشقت الصمت واخفيت ماريـد
...........................وياما ابتسمت وهـم قلبـي دفينـي
حاولت اسلم لـه مـن بعيـد لبعيـد
...........................لكـن ضميـري ماتطيعـه يديـنـي
اخاف تجرح خاطـري صـدة الغيـد
...........................وانـا جروحـي مامحتهـا سنينـي
واعز نفسي عن هـروج المقاريـد
...........................اللـي يحبـون المشاكـل تجيـنـي
واليوم صارت دنيتـي كلهـا عيـد
...........................من يوم شفت النـور قـدام عينـي
أقبل مثل مزن ٍ نشا واغـرق البيـد
...........................مدري مثـل بـدر ٍ بنـوره يبينـي
هي سيدة قلبي وانا اللي لهـا سيـد
...........................بنت ٍ على صدق الوفـاء تهتوينـي
قلت السفر قالت عسى ماهـو بعيـد
..........................كانـت تخـاف تقـول لا تنتسينـي
قلت ابشري مانساك في كـل تاكيـد
..........................ولا لغيـرك تنظـر اليـوم عيـنـي
ماهمني شهـرة نجـاح المساعيـد
..........................ولا همني نجـوى ولـو ترتجينـي
دام الغلا لك وانت تدري بـه يزيـد
.........................لا يهمـك اللـي زار بيتـي يبينـي
قالت وش الاسبـاب كثـر التناهيـد
.........................قلت اعتقد يابنـت مخلـوق فينـي
وان شفتني عنّـك كثيـر التناشيـد
.........................لازم تعـرف ان الغـلا مرتويـنـي
انـت الغـلا ياغيتـي والمقاصيـد
.........................وانت الامل وانت الوفـاء ياضنينـي
عز الله انك جبت في سالـم العيـد
.........................لكـن فـداك اللـي تسويـه فينـي
المواضيع المتشابهه
العرض الشجري