"
"
"
كل الجروح اليوم صارت : تشابه
نفس الوجع ياصاحبي والمواري !!
بس أنت جرحك : عاد كلٍ درابه
حاولت أداري بس : مقدر أداري !!
له في عيوني غيمتين و سحابه
وله في خفوقي ألف طاري و طاري !!
مثل السؤال اللي يدور : إجابه
مثل السنين المقبله : و أنتظاري !!
علّمني وش معنى : الألم والرتابه
وعلّمني وش : موت الأمل وأنتحاري !!
علّمته أصبر واْن تمادى عذابه
وآخذ من وجيه الليالي : سماري !!
لولاه ماكان أرتديت الكتابه
وأصبحت بعيون المخاليق : عاري !!
كريم ربٍ لي من سنين جابه
خيره ولو أنّه : مهو بأختياري !!
أقلّها : يلقى بصدري رحابه
وألقى معه صبري : ويلقى وقاري !!
وألقى به أعظم ماحظيت وحظى به
نبض الوفا اللّي بين : بايع وشاري !!
قلبي هو الثاني بعد كم لقابه
صحبة عمر : وأنسان جداً حضاري !!
وإذا قفل من دوني الليل بابه :
عشان أضيّع فيه : باقي نهاري !!
ياما بكيت : أول ويا للغرابه
أوّل أفكّر كيف : أرد أعتباري !!
والحين أقول : الله يخلّي شبابه
ماكنّه اللي في يديه أنكساري !!
الجرح : عمره مايسبب كآبه
بالعكس كان أكبر سبب : بـ أنتصاري !!
أجرح وجرحك : لاتفكّر أهابه
رمشك قبل أوشك : يسبّب دماري !!
ومادامها بعض الدعاوي مجابه :
الله يخلّي جرحك اليوم داري !!
:/ فلاُح العماّش *
المواضيع المتشابهه
العرض الشجري