عكس أحرف (حرج)
وش عليك ان همت في وادي مرادي
وش علـى فـراج لاهوجـس فـرج
لاتشك انـي الـى ماصحـت هـادي
خاف ابين لـك مـن انـت وتنحـرج
النصيحه خلهـا لـك وانـت عـادي
منـت باللـي راح للقـدس وعـرج
العواذل عشـرة واصبحـت حـادي
عشـرة راحـوا مراويـح الــدرج
غادي وانا لـو اسمـع منـك غـادي
واشهد انك اللي ماصاب الـى هـرج
كيف باطرح من على شفـي شـدادي
واقتـدي باعمـى وتايـه واعــرج
وكيف بانساها وانـا لاجيـت انـادي
اتمسـك باسمهـا خـوف يـخـرج
فكـرة النسيـان مـنـزال بــوادي
وطيفهـا سيـل مسـيـره يـنـدرج
وقدرها في العين وان حـول فـوادي
والغـلا يطلـع علـى مثـل الـدرج
حسنهـا واسلوبهـا سـر انقـيـادي
والوفـى والصـدق حـدث لاحـرج
وصلها كايـد وهـي تسكـن بـلادي
انشـد اللـي بالمـرابـع قــد درج
روحت باسلـوب مقبـول وحيـادي
وخلدت في القلب عكس احرف(حرج)
عقبها الابيض غـدا مثـل الرمـادي
وفي عيونـي ضاقـت افجـوج زرج
وانتهى ضحكـي وحاربنـي رقـادي
وانقطع حبل الرجـا واقفـت مـرج
وفر اهروجـك وانـا هـاذا مـرادي
ليـن ربـي زيـد يـاتـي بالـفـرج
المبدع محمد بن فطيس
المواضيع المتشابهه
عكس أحرف (حرج)
العرض الشجري