ياطير ياللي

[حميد الرشيدي]

[poem=font="times new roman,6,darkblue,bold,normal" bkcolor="transparent" bkimage="" border="none,4," type=1 line=1 align=center use=sp num="0,black""]
شعري ليامني كتبته نسيته=إلّا ليامني كتبته بخلي
أتخيله شعري ليامن قريته=واشوف شعري للمعاني يهلي
شعري بخلي حر طلعه وصيته=ماهو على ماقيل ياطير ياللي
شعري بخلي من ضميري خذيته=كنه يقول الشعر ياحميد قلي
مثل الصديق ليّابغيته لقيته=مدري مثل عقلي وزولي وظلي
مدري غلا مدري مهابه فديته=بس الوكاد إن شفته اقوم كلي
من دون مدري كل مارحت جيته=غلطان من قال التردد مملي
مهما يكون البعد لجله طويته=ولا غيره اللي في طريقي يسلي
افراق ساعه للاسف ماقويته=ومن دونه بكل المسافات من لي[/poem]