خـــــــــاطري الحســـــــــاس ...

[سحايب صيف]

[frame="10 80"]على كثر الدروب الي مشاها خاطري الحسـاس
اشوفك يالغـلا للحيـن مـا تدريـن باحساسـي
وعلى كـل الغنـاوي يردّدهـا جميـع النـاس
اشوفك عايـش بحالـك وكنّـك يالغـلا ناسـي
منو يقدر يعيش وما يبي فـي روحـه الانفـاس
ومنو غيرك حبيبي كان يروي شـوق انفاسـي
هذاك الّي مضى اول وانا فـي دنيتـك عسّـاس
ولو حتى مضى عمري وغزاني الشيب في راسي
كذا طبعك تدوّر وين بـا تلقـى بريـق المـاس
وتنسى من عطاك الروح لاجلك وانت يالقاسـي
صحيح انه يسمّونك على عرش الهـوى دوّاس
وانا غلطة زماني اني عطيتك ارضـي وفاسـي
وقلت ازرع من الازهار وكل الكون لـه حـراس
اشوفك ترمـي امالـي وتـزرع للعنـا ياسـي
حسافه ما توهقتـك حبيبـي تجهـل الاحسـاس
ولا ظنّيت فـي لحظـه فـؤادك يالغـلا قاسـي [/frame]

منقول ...

تحياتي
سحايب صيف ...