"
"
.....
وين أدوّر في حروفي عن مكاني ؟
كيف أبـَنـْهي هالقصيد بْـلا بداية
شاقِـني للهم ّ إحساس المعاني
لو بقى لي من أحاسيسي بقايه !
الحزين اللي من اْجروحه يعاني
ما درى باللي تعشْعَـش في حشايه
هو بقى للحِـزْن درب ٍ ما مشاني ؟
لا ولا حتى قدر يلــْحق جزايه !
ربي اللي قدَّر القسمه عطاني
حظ يشبه زول وجهي فـ المرايه !
ما شـَغـَلني من حسود ٍ لو وشاني
قد تعوّدنا على سَمـْع الوشايه
هـَـلّ دمعي قبلِ لا أبكي ، بكاني
قبل يفضحني ..ستَرته بالعبايه
مشهد التوديــع عاقِـد لي لساني
والأمل فيني يـلــوِّح بالنـــهايه
وش رجيت من العمر لا صار فاني؟
ما وصَلــْـني من غرابيــله كـفـايه !!
الهوى طمـــّاع و العاشق أنـاني
و الوفــا دايــم نردد به حكايه
ذي حياتي كلـّها صارت أماني
إنــتهت في فصـْـل حب ٍ من روايه
لا تقولوا فيني الإحساس ثاني ؟!
عِـفــْت أنا بعد المشاعر كل غايه !
ليت شِـعري ما كتب صادق حناني
لين يعـْـرِف دفتري معنى القرايه
من يبي يلقى قصيد ٍ في مكاني "
يرجع لـْـشِـعري ، يدوِّر له بدايه ...!!
لـ الشاعرهـ // عبير آحمد "
المواضيع المتشابهه
العرض الشجري