أنا شمسك / وإذا إنتَ لقيت بغيبتي قمره

[شمس الرائدية]

شلتكْ منْ وسط نارْ آلهمُوم ، وعآلم آلجمره ..
وسقيتك من غلآي ومآ نفَعْ طيبي وتقديري ..
مثل زهره قطفْها آلوقت وقلبيّ شالَهآ حسره ..
لأني شفْتَهآ تَحْتي وأخافْ " يدوسهآ " غيري ..

رسمتك لينْ مآشفتك مثل صوره بلآ فكرهـ ..
ألوّنها ولا يبيّنْ بعينْ آلصفحه ، تصويري ..
أكلّمْ صفحتك / عيّتْ تدور ونهتني بكره ..
وعاف القلب هالصفحه وأيّدْني بتدويري ..

و الله . . / مو أنآ اللّي تهزّه غلطة آلبذره ..
" صعب " آتأثر بغيري و غيري فيه تأثيري ..
وإذا رآحوآ جميع الناس عنّي وهانتْ العشره ..
أظل الشامخ بدمعي وأقول لضحكتي صيري ..

أنآ مثل الذي يَمشي بغابه كلّها خطره ..
أكمّل خطوة دروبي ولا توقَفْ خُطا سيري ..
أنا مآهمني حكي الجهآل / أعوذْ منْ شره ..
ولي غيره على ديني ولا أسْمَحْ بتكفيري ..

أجي للحآقد موآجه ويجيني من ورى وكره ..
يقول: ومآ صدقْ قوله وهمّه بس تصغيري ..
كثر ما كنت أنا أسولف عليك وبحة النبره ..
كثر مآ رحت نآكرني ولا تفكّر بتفكيري ..

أنا شمسك / وإذا إنتَ لقيت بغيبتي قمره ..
مردّكْ لي وإنْ طآلت بكْ الدنيآ مع غيري ..
تبشّرني بأفرآحك ولا لك بالحزن ذره ..
عسآهآ دوم ضحكآتك وتحرآها تبآشيري ..
بلا منّه " عطيت " ومآ أبي من هآلعطآ نظره ..
أنا طبعي كذآ دآيم / كآفي شرّي وخيري ..

وخلْهآ قصةٍ عندك وإخذهآ لدنيتك عبره ..
أزيدك خير بأفعآلي وينقص كفْ تقصيري ..
شفتك طايح ودآمي وجبرته سآقك وكسره ..
نطرته لينْ ما ورّدْ وسقيته من تعآبيري ..
مدامك طبتْ منْ جرحك وصارتْ صحرتك خضره ..
أمانه لا تردّه يوم / إذا جآ وردتك / طيري ..