قصيدة بمناسبة الحج

[عبدالرحمن الميزاني]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياشهـــرذاالحجــه جمعت الملايين = جمعتهم فالبيت من كل الاقطار
على الرحاب الطاهره جـــو ملبين = من كل بقعه وصلو كبار وصغار
يرجون رحمة من خلقنا من الطين = الواحـــد القهار علام الاســـــرار
الي فرض فرضه وحنـــا مطيعين = واجــب علينـــا طاعته سر وجهار
والحـج سنـــه ثابتـــه بالقـــــوانين = فرضٍ على المسلم يجيره من النار
والمسلمين الصــائمين المصـــلين = في كل عـــام يجــون للبــيت زوار
مـــوحــــدين الكلمـــه ومستـعدين = ولباسهــم واحــــد رداء تحته ايزار
وكلامهــم واحــد وللعــفو راجين = ومـــن ذكر خــالقهم يزيدون باكثار
وكفـــوفهــم ترفــع لرب الثــقلين = وعيــــونهـم من خوفها هلت عبـــار
وعلى مآثر صفوت الخلق ماشين = شفــيع الامـه يوم شخصات الابصار
محمـــد الي لأمتـــه وضـح الدين = ومن يتبـــعه بالدين ماهـــــوب محتار
يالله يالمعبـــــــود يامخلص الدين = ياخــــالق الجنـــــه وياخالق النــــــار
يالله تقبــــل سعي من جو ساعين = وتكتب لهـــم رحمتك يالواحــــــد البار
ويالله تنجيــــنا مع الي منجـــــين = وترحــــم عبـــادك ياعليــــمٍ بالاقــدار
ويالله تنصر دينـــــــنا قولو آمين = وصلى الله وسلم على سيــــــد الاخيار

[/poem]