المرأة الفلسطينية وماتعانيه من اجحاف واهانة
عبر عنها الشاعر طلال بن نشار
يابنت لاتبكيـن ماحولـك رجـال
راحو يابنـت مفرقيـن الطوابيـر
لا لا تصيحى مابقى عندنا أبطـال
ماباقـي ألا قارعيـن الغنـاديـر
راحو هل العزوات ذربين الافعال
ماقدمـك الا مجمعيـن الدنانـيـر
راحو هل الطلات يوم اشهب اللال
وأنتى بعصر العولمـه والمعاثيـر
والله ماينقذك مـن علـج الانـذال
غير الحكيم الـي بيـده التدابيـر
تعينى لاهل القمـم حضهـم مـال
وغنت على جثثهم طوال المناقيـر
هم وينهم لاصكة الجـال بالجـال
والعرض ديس ولاتفيـد المعاذيـر
وهم وينهم عن حرة تاخـذ المـال
من ضعفها صفو عليهـا دواويـر
وهم وينهم لامات نسوان واطفـال
وش فادنا لو يشجبـون المناعيـر
وهم وينهم عن عابد شاف الاهوال
بالغرب ذاق المهزلـه والتعازيـر
هم وينهم وديار الاسـلام تنـزال
وصهيون يبني عاليـات مقاطيـر
وهم وينهم لاصار بالرعد زلـزال
وقامت من المنشى تعج المعاصير
مدام نرجيهم علينـا الدهـر طـال
لابـارك الله بالوجيـة المغابـيـر
المواضيع المتشابهه
العرض الشجري