العبايه عولموهـا وانفثـوا فيهـا السمـوم
من ملاهي الرقص جابوا فكرة تخصير العباة
ظيقوا صدر العباة ووسعوا طـرف الكمـوم
ونزلوها لين وصلت آخـر أكتـاف الفتـاة
بانت نحور الصبايا وانكشف شكـل الهـدوم
والغبيـه تحسبنهـا زايـده زيـن وحـلاة
والبراقع دلعوهـا ليـن عـام الخـد عـوم
لازم القرضه توسع والكحـل يلقـى الحيـاة
طوروا شكل النقاب وصارت الدعوه علـوم
صار شفاف(ن)يوضح خدهـا ويـا الشفـاة
وآخر الصرعه لثام(ن)يفتن الرجل العـزوم
والفتن قالـوا ضلالـه للقلـوب المؤمنـات
وش علامك بنت حوى تستبيحيـن السلـوم
أو مع خيلك ياشقراء بعضكم جنس البنـات
قاهرتهـم هالعبايـه مايبـون الستـر دوم
جدهـم علمـان يعنـي لاصيـام ولاصـلاة
حطوا إن البنت سلعـه وغلفوهـا بالهمـوم
وارفعوا شعار(ن) ينادي للحقوق الضايعـات
من ظلمها والبدو لاصاحت الحرمـه تقـوم
قايمه تحت المعادي لجل عيـن الشامخـات
من ظلمها يوم قام المعتصم من عـز نـوم
قال وين الكافر اللـي يستبيـح المسلمـات
ثم ذبح لجل شعرتها من العدو كثر النجـوم
قال هـذا حـق منهـو يستـذل الطاهـرات
نكسوا ذاك الشعار ولملموا باقـي السهـوم
يكسر الخاطر سهمكم لاضرب في مدرعـات
بيتكم لاصار مبنـي داخـل البيـت مهـدوم
وبيتنا صوم وصلاة وحج وأشهـد والزكـاة
إتركيهـم يابدويـه وخلـي اللايـم يـلـوم
وسعي خصر العبايه واكرمـي بالمكرمـات
وإن رفعتيها لراسك أصبح الراس محشـوم
العبايه فوق راسك حشمـه وطيـب وثبـات
وماعليك من اللئيمه تحـاول تقلـدك يـوم
لبست البرقع ولكن حـن عـرق الماجـدات
بحنكها ألفين دقه مدري ألف مـن الوسـوم
أو تراه ألفيـن هكـري يكتبـون الذكريـات
ولابغت تكتب قصيده قافها هـو قـاف يـوم
(يوم يابا)(يوم يابا)جاك عـرق الراقصـات
جت تقول إني بدويه قلت أنتـي وجـه بـوم
إعقبي منتي بدويه أنتي جزء مـن الحصـاة
يابدويه لايغرك بعـض غربـان(ن) تحـوم
أنتي فوق الكل أنتي فـوق روس النايفـات
أنتي يوم الحرب دارت والمعارك (قوم)(قوم)
عانقت عزوات أخوك صوت ضرب المرهفات
وإن حدوا من بيننا أو طولـوا حـد العقـوم
يابدويه طبعي أرقـى فـوق كـل الطايـلات
إحذري يابنت منهم طبعهـم نفـث السمـوم
عولمتهم لو أعرفها طلـع معنـى الشتـات
ظيقوا صدر العباة ووسعوا طـرف الكمـوم
وبيجي يوم(ن) نشوف شقوق في وسط العباة
الشاعر \ ناصرالبراق
العرض الشجري