السلام عليكم :
-
قالـوا تعلمـت قلـت عنـاد وفـراسـه
أصارع النفس والدنيـا اصارعها
ودرست في مدرسة من شيّبـت راسـه
دنيا العنا اللـي قضيفـاتٍ مطامعـهـا
تلميذهـا دايــمٍ تكـتـب بقرطـاسـه
وتعطيـه جملـة دروسٍ مايضيّعــهـا
والله عطانـا نظـر وقلـوب حسـاسـه
ناخذ علوم المعرفـه مـن مراجعــهـا
ونسايـر الوقـت ونقيـسـه بمقيـاسـه
ونوجـه النفـس بالواقـع ونقـنعـهـا
وترى حياة الفتـى مهمـا قـوا باسـه
محفوفـةٍ بالخطـر والمـوت تابعـهـا
من مبتدا العمـر حتـى يلفـظ انفاسـه
يمـر فـي مرحلـه تكثـر زوابعـهـا
أول حياة الفتـى مشـوار واعساسـه
مسافةٍ فـي عجـاج العمـر يقطعـهـا
وثاني حياة الفتـى تدريـب ودراسـه
النقطـه اللـي بـدا منهـا يراجعـهـا
يرجع لسـن الهـرم ويضيّـع الطاسـه
ويزحف مع الأرض ويخطــط شوارعها
وليـا تلاقـت متونـه وارتخـى راسـه
ضاعت جميع العلــوم اللـي مجمّعهـا
وسلامتكم
للشاعر : رشيد الزلامي العتيبي
المواضيع المتشابهه
العرض الشجري