يضيق صدري كل ماهبـّــت عليّ من الجنوووووووووب ........ !!!

[أبو فهاد]

ـ
ـ
ـ
ـ
ـ
رااااااااااااااائعة .. لا أظن أنها تحتاج إلى مقدمة ...



للشاعر : محمد السهلي ....




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يضيق صدري كل ماهبت علي من الجنوب=نسايم ماملـّـت طعوني وقلبي ملــّــها
وأرقى على مرقاب حزني واتحرى للغروب=وامسك جدايل هالحياة المدبرة وأفلــّــها
وأشوف وشلون الليالي تدور في الوقت اللعوب=وأجمع مسائل هالبشر في دفتري وأحلــّــها
وألعن أبو الحظ الردي وأستغفر المولى وأتوب=وأقول يا الله إنك تعين اللي صبر ثم شلــّــها
وياسعود قرّب لي مدام الوقت والعمر محسوب=وأسمع ياخوك أبيات من جوفي نويت أتلــّــها
لاصارت الدعوى مابين ضلوع صدري والهبوب=بأقولها واللي عقد رؤوس الحبال يحلــّــها
وش عاد نرجي من زمن صارت به أكبر الذنوب=إنك على الباطل .. سيوف الحق تنوي سلــّــها
إسلامك أصبح مـُـتهم والنور غــُـيـّـب ومحجوب=دروبهم ياكثرها .. ودروبنا ياقلــّــها
خوينا تصلاه نار الكفر ونشوفه يذوب=وحنا نترجـّـى من عجوز الغرب ترهي ظلــّـها
لاعاد به فزعة ولاغيره وحيلتنا يادوب=نشجب ونستنكر عساها تنسمع أو علــّـها
صار التنافس بالطرب من أولويات الشعوب=الغانية صفق لها والراقصة طبـّـل لها
والموضة تحاصر تقاليد العرب من كل صوب=وتفوح دلتنا زعل .. وأعوانهم تزلــّـها
والكل منا يشوف نفسه للتخاذل مغصوب=حلوقنا ميـّـتة عطش .. يا الله طلبتك بلــّـها
يا الله سترك من علوم في خواطرنا تجوب=رحماك سهـّـلها علينا.. دقها مع جلــّـها
وياسعود خذها من نمط ( حكي على لسان القلوب )=أربع نصائح لحياتك ياعسى تآصل لها
المرجلة هي البلد وأفعال يمناك الدروب=والآدمي يولد غريب وإليا تسنـــّــع دلــّـها
والكايدة تبغى ولد ماهوب طماع وكذوب=والرابح اللي نفسه لربه قدر يذلــّـها
وترى الكرم عند العرب يغطي آلاف العيوب=وإنك بخيل تساوي عيوب العرب ذي كلــّـها
وإحذر تحسب إن كل بئر في دنيتك به ماء شروب=إذا تجاهلت العواذل إبـ ( تموت) في غلــّـها
وأنا أبودّع رأس مرقابي إذا حلّ الغروب=وبأقول يا الله إنك تعين اللي صبر ثم شلــّـها[/poem]



الشاعر : محمد السهلي ...