لذه بصالات أنتظار المستشفيات

[صريح جدا]

آه ياحلو صالات انتظار المستشفيات

كنت أكرهه حيل

بس هاللحين صرت أحبه

أيه أحبه

صح غريبه

رغم مآبه من مآسي

رغم مآبه من كآبه

رغم مآبه من ظلم عادل سحق كل المهابه

رغم مآبه من فجور وأنحلال أزياء وأشياء مليانه غرابه

رغم مآبه من فوضى منظمه ورغم مآبه

رغم أني فيه مآحس أني بمشفى !! أحس غابه

رغم مأشفت التناقض!!

الأرانب.. تعرض الخدمات والشاري !! ذيابه..

رغم مآبه من بعض ..مو كل.. لانظلم وندخل نفس خط الظلم ونعيش الرتابه..

الرجال أنصاف

لا أرباع

لا أقل

لا قاعد تجامل

قل أقل أكثر

أو انك قل ذكر

لا بعد الذكر في بعض مخلوقات ربي له صفات وحسنات..

وهم أسف خاليين من كل الصفات الحسنات ..

بأختصار هم مجمع سيئات..

وتبي تسكني الفرحه.. وتروح عن وجهي الكآبه..

يمكن أني حيل متقوقع على نفسي بذاك الركن وبحظني جريده..

ماقدرت أقرا بها الصفحات قلت ألجى لكتابه..

لو كتابة فضفضه يمكن بعدها أرتاح لو ما غيرت بالواقع المأسآه تبقا لي كتابه..

ماسك بيدي أنا كوب قهوه ساخنه..

يمكن محل القهوه لو أصبح مدرسه يعلم الكرسون فيها كل من بالمشفى وش معنى الرتابه..

زاوايه..

معطف..

جريده..

كوب..

في جنبه قلم..

مسوده بأيدي..

شخص يحمل في تفاصيله غرابه..

يكتب أو وجهه تغير به ملامح بين حزن ..وبين لمحة أمل.. لكن السائد على وجهه كآبه..

ابتسامه عابره.. معها طلع من جوه المستاء فوق.. و أرتقى فوق السحابه..

ابتسم أكثر.. وهو بكل من حوله ابد ماهو بآبه..

ساحل البحر العميق..

يحبه أكثر..

وهو مع الناس جالس ينتظر لكن شافه..

ثم صرخ صرخه دويها صار بس بينه وبينه..

أيه هذي عيونها.. أيه هذي عيونها..

و معها نسى كل المآسي ووأمتلى صدره رحابه..

آه يافرحه ..و ياسعده ..يكفي..ان عيونها علاجه.. عن الوضع الكئيب وهالكآبه..

آه ياحلو.. انتظار المشفيات..

آه ياحلوه.. رغم مابه من أحزان ومآسي وظلم مع فوضى وكآبه..

انتظاره بس هالمره ظهر بعيوني غير..

كنت أحس ان فيه جانب منه غير..

كنت دايم ظالمه وكل من حولي بعد ناسن حزينه و ظالمه..

بس اللحظه هذي شفت انا الجانب المشرق وضح بعيوني الاجابه..

جد يستاهل غلاه ولا غرابه..