قصيده اعجبتني واتمنى تعجبكم

[ريانة القامه]

[align=center]



الشاعر / سلمان العصيمي

بصراحه انا احب الشعر وكنت اتمنى اني اقدر اكتب لو بيت واحد لكن فاقد الشي لايعطيه
وانا حبيت اني اهديكم هذه القصيده للشاعر سلمان العصيمي بصراحه اعجبتني مررررره ولطشتها لكم من منتدى واكثر شي اعجبني البيت اللي يقول فيه :
[poem=font="Simplified Arabic,4,orange,bold,italic" bkcolor="black" bkimage="" border="solid,2,orange" type=0 line=0 align=center use=ex num="0,black"]
تذكر حبيبي ثوبي اللي بكمه = بصمة شفاتك ؟ ليتك تكون فاكر [/poem]

هذا البيت رووووووووووعه جنن ... والحين اخليكم مع القصيده واتمنى انها تعجبكم مثل مااعجبتني

[poem=font="Simplified Arabic,4,orange,bold,italic" bkcolor="black" bkimage="" border="none,2,orange" type=0 line=0 align=center use=ex num="0,black"]
اجمع شعـورك ياحبيبـي ولمـه = وتعال عنـدي نستفـز المشاعـر
اشم عطرك وانت عطـري تشمـه = خـل العـواذل ياحبيبـي تناظـر
وافتح لي قلبك خل قلبـي يضمـه = خل المشاعر مع بعضهـا تسافـر
تعـال عنـدي وماتمنيـت خمـه = اطلـب تمنـى ياحبيبـي وآمــر
ولو كان قلبي من شفايفك سمـه = مزيت ريقٍ يشبـه الشهـد خاثـر
حقق منايه واصدق الحـب تمـه = لا لا حبيبـي ماخبرتـك تكـابـر
لحظه معك .. لاشك جـداً مهمـه = حب وهوى واحضان شعر وخواطر
انت البصر للقلب سمعـه وفمـه = انت الوفا والصدق ماضي وحاضر
انا طلبتك وانت ابو الوعد وسمـه = ترى خفوقي ياهوى البـال ثايـر
ارفق بحاله مـن مواطيـه زمـه = يكفي عليه ان الزمن صار جايـر
ذكراً مضت لي مع لياليـك قمـه = فيها معان الحـب والحـظ وافـر
تذكر حبيبي ثوبـي اللـي بكمـه = بصمة شفاتك ؟ ليتك تكون فاكـر
لازلت اضمـه ياحبيبـي واشمـه = ومن زود شوقي تستفيض المحاجر
لابـو فراقـك لعنبـو جـد امـه = مرت علي ايام وايـام .. صابـر
اجمع شعـورك ياحبيبـي ولمـه = تكفى حبيبي يابعدي قول : حاضـر [/poem]


محبتكم .. ريانة القامه [/align]