مابين هه / وبين ايه / وبين هيه / وبين هاه
............................... ان ماوعى قلبي / عقب درس السمرمد مايعي
تواضعي للإمعه / واللي يبعبع من وراه
.................................. خلى البليد .. مصدقٍ حاله / بأنه / ألمعي
قبل امس صوته يرتعش ماهو مصدق من معاه
.............................. اقول له .. والله خلف .. ويقول تكفى من معي
واليوم كبرت شرهته واصبحت ماني مستواه
............................... في دائرة ( أهل الأدب ) .. مثلي يسمى : مدعي
الاخ ( ابو الطيب ) على غفله معود للحياه
............................. وهذا الذي عن ايمنه .. يمكن يكون ( الاصمعي )
يامرحبا ترحيبة المخطي بتكفيرة خطاه
............................... ترحيبة ٍ اقرب .. من زناد المعاني .. لاصبعي
كثر التواضع يمهن الرجال ويبيح خفاه
................................. مايشفع لكبر الخطا .. قولة : خطايه مطبعي
والله يلولا حشمتي شعري وخاطر من قراه
............................... اني لابهذل .. من هقى بنفسه .. يلوّث منبعي
لكن لخاطر من يبي يروي بقيفاني ضماه
............................... ياضيقة الصدر افهقي .. عني جيوشك وارجعي
مالوم سهم البوصله لاصار عكس الاتجاه
............................... مادام صوت المرتعش صار .. يتخمش مسمعي
من قال هاه .. نقول له / سلامة اذنك / ماهواه
................................ من لا وعى عقله / عقب هذي .. يموت / ولايعي
خلف المشعان .. المجرررررررررررم ..!
المواضيع المتشابهه
قصيدة جديدة لـ ( خلف المشعان ) ..!
العرض الشجري