~~!! مكابر وانتهى دوره !!~~

[النورس]

[align=center][grade="00008B 4169E1 4169E1 00008B"]~~!! مكابر وانتهى دوره !!~~
~~
~
إذا حبيت أعديها .. أعديها..!!
أعديها .. بعيد بعيد عن اقرب معانيها..!!
أعديها .. واكظم غيض . نبع وفيض . بأولها وتاليها..!!
وإذا زاد الحزن فيني .. افجر نبع خافيها..!!
وأبعثر كل ما فيها..!
أنا لو فيها ما فيها .. أنا ما قلت ما أبيها..!
حكايه .. كل ما فيها .. صغيره مبتلش فيها..!
بأعز النفس وأنفيها..!
وامحي كل من فيها.. واكتم كل ما فيها..!
الين الروح تسكن عند باريها.!
اجل بأخر زماني أنجبر فيها.!
؛؛؛؛
مثل ما كنت باديها..؛
قسم ما كون راعيها.. إذا ما أكون منهيها..؛
بأخليها أماني.. تحترق في جوف راعيها..؛
مباني .. أعمدتها دوم تبكيها..؛
مراكب .. حطمت مرسى موانيها .. وضاعت كل أمانيها..؛
ثواني عمر تخفيها ....
بعد ما كنت أعانيها .. كتبت من الجمل أسمى معانيها..؛
لهيب العشق يكويها..؛
صغر شيطان مغويها .. كبر سلطان بانيها..؛
بساتين أثمرت.. وانهال راعيها يراعيها..؛
وأنا ما زلت أراعيها.....
زهر وورود .. اشتاقت لجانيها..؛
وجانيها بدا يجني بواقيها..؛
وأنا ما زلت أراعيها..؛
مكاتيب الغرام .. احتار ساعيها..؛
بدا يتعب يوديها.....
وأنا.. مازلت أنا المجنون أراعيها..؛
؛؛؛؛
بكل الود .. وقول الجد .. أنا وافي ..؛؛
حسبته حبي الدافي ..
ولع قلبي وأوصافي ..
رفعته فوق أسلافي ...
حفظته بين أحلافي ....
عشقته بكل أعرافي .............
وقلت الله يا كافي .. قدر يكشف لنا الخافي..؛
وهو نافي ؛؛ وأنا نافي؛؛
؛؛؛؛
بوشح بالحزن طيفي..؛؛
واكتبها على كيفي..؛؛
قصيده كذبي وزيفي..؛؛
نعم زيفي .... نعم زيفي وتزييفي ..؛
على نفسي وتوصيفي..؛
تعاقب بردي وصيفي..؛
وحسمت المسألة في داخلي .. كيفي .؛
؛؛؛؛
نهايتها ..!
لأنه يكسر الخاطر .. بأجلها إلى باكر ..!
ولأني اكسر الخاطر.. بمددها بعد باكر ..!
بمبدأ عشقي الطاهر ..!!
ظهر مفهوم مشكلتي حكي عابر .!
لقيت القلب يهواها.. بنفس الصوت والصوره ..!
وأنا في داخلي ثوره ..!
توقعت .. وتوعيت .. ورجمت إبليس وشعوره ..!
من الأخر ..
نطقها كل ما فيني حكم وأقوال مأثورة ..!
حكي أخر ..
مكابر وانتهى دوره ..!
يزف غروره غروره ...!
وصار من الوله مفتون .. ما يقدر على جوره ....!!
؛؛؛؛؛؛؛؛؛
؛؛؛
؛؛
؛[/grade][/align]