I...( الـــنـــصــــر vs بـاخـتـاكـــــور )...i الله حسيبك يانصر صاير المر حالي ..!!

[فقدته]

ماكين ..دبرنا مع عيال عمك خلنا نستفيد منك و لو مرة





















السلام عليكم ورحمة الله وبركاته

لا اخفيكم إننا ما ودنا مقدمين هالمباراه لإنه لاعبينا للاسف كل مالهم يحطمونا اكثر وكل ما نتأمل منهم المستوى الزين يخيبون ظننا
وخاصه باخر المباريات , وصلنا لمرحلة صعبه و الجمهور مسوي الي عليه و اكثر لا من مسانده ودعم او حتى صبر على الي صاير
لكن اللاعبين للاسف ما شفنا منهم إلي يبرد القلب لا من نتيجه ولا حتى مستوى زي الناس .. الاداره ما ننساها اخطاءت باشياء كثيييره
ولازم نشوف استفاده من الاخطاء وتصليح بإرض الواقغع و نترك المشاكل الي مالها سنع ونخلينا بنصرنا ونحل مشاكلنا وامورنا افضل من اي شي
اخر قاعدين نسويه ونلتهي فيه وناسين شغلهم المهم والاهم !! , عموما هالمباراه عاد اذا ما فزنا فيها فَ مصيبه مصيبه .. على ارضنا
و باختكور فريق متواضع من تالي و ما ناخذ الثلاث نقااط ؟؟ وقتها الجمهور بينفجر اكثر واكثر للاسف وهذا ما نبغاه ..

طبعا مسيرة باختاكور بهالبطوله كانت اول شي امامنا و انتهت 2 - 2 وسجل لهم وقتها : شيرزودبيك كريموف و ديلشود شاروفيتيدينوف ,
و لعبو بعدها قدام السد بقطر وخسرو 2 - 1 وسجل لهم : ابدلوكوف ولعبو قدام الاستقلال مباراتين بعد وفازو الاولى بـ 2 - 1 وكانت بإرضهم
وسجل لهم : اندريف و كريمتس و لعبو بعدها بعد قدام الاستقلال بإيران وخسرو 4 - 2 سجل لهم : سافك و شيكوف

اما فريقنا مشواره للإن كان بالاول لعبنا قدام باختاكور بديرتهم و تعادلنا معهم 2 - 2 سجل لنا بدر المطوع ومحمد السهلاوي
وضيعنا نقاط كانت باليد لكن خوف لاعبينا ورهبة اول مباراه بالاسيويه هي من خلتنا نتعادل و بعدها
لعبنا مع الاستقلال بالرياض وفزنا بشق الانفس 2 - 1 سجلهم :
حسين عبدالغني وسعد الحارثي وبعدها رحنا قطر وخسرنا 1 - 0
بعد ما انطرد عيد وانحاس الفريق فوق تحت بعد ما كان ماشي بالسليم
وبعدها جانا السد وللاسف هالمباراه ضيعناها كما غيرها وتعادلنا 1 - 1
وسجل لنا حسين عبدالغني المنقذ و راحت نقطتين كانت المفروض تكون من نصيبنا..















































بتعرفونها وقت المباراة .. مبدئياً أغلب اللاعبين من قبيلة الأوف

















نادينا رايح فيها .. ذا اختصار كل شيء ..
تدخل أهم مباراة في آسيا وانت عندك مليون مصيبة ومصيبة .. عندنا مشاكل إدارية مالها اول من تالي ..
فجوة إدارية قاتلة .. السهلاوي مستأذن والقريني يقول لا .. والسهلاوي يسكت احتراما لمدري مين
والفريق اداريا رايح فيها .. كحيلان رايح امريكا ( سلامته ) والوضع غير مستقر ..
الوضع الإداري سيء والسبب ( الفقر ) الفني عند السلهام والقريني .. نظامهم يهزون روسهم ومثل
ماتشوف طال عمرك وذا الشيء مخلي النادي يدحدر ..
بدأت بهالمشكلة لأن الفريق في آخر مباراة نزل للترتيب الخامس ،،
وهالمباراة لو لا سمح الله مافزنا معناها 100% احنا برا آسيا لأن آخر مباراة وضعها بيكون مزري في إيران .. الاستقلال ماراح يفوتها وبيصقع السد اكيد ..
فإحنا لازم نفوز ونلعب على التعادل في الجاية لأن وضعنا رايح فيها ..
فيه اندية على مستوى العالم عندها مشاكل مختلفة .. ليفربول قبل كم موسم فقد المنافسة على
الدوري بسبب نقص اصابات ،، ارسنال كم سنة يفقد المنافسة في المنعطف الاخير بسبب نقص
لاعبين او اصابات ..واندية مختلفة تفقد السباق على اللقب لأكثر من سبب .. والنصر فقد المنافسة
وفقد سباق المقدمة بسبب مشاكل إدارية .. فنية .. تدريبية .. يعني بلاوي كثيرة في النادي ..

ذا كله اقوله لأن هالمباراة منعطف مهم بالنسبة للفريق في المنافسة الآسيوية .. وضد فريق ماهوب
سهل .. لا نستهتر ببختاكور عشان مستواه في اول مباراة لأنه يفرق عننا نقطة ولو فاز رحنا الأخير ويكون موسمنا زبالة 100% ..

سألت نايف وقلت له من اللي موقف قالي ولا لاعب .. فصار عندي علامات استفهام كثيرة عن ماكين ..
توقعت انه موقف ولا راح يلعب المباراة الاخيرة عشان كذا المدرب مخليه برا ضد الاتفاق بس ماهوب موقف !!

المهم المباراة مابتكون فيها بلاوي كثيرة .. المدرب راح يلعب هالمباراة 4-4-2
واحس ان ريان هالمرة بيكون اساسي .. التشكيلة بتكون حسب توقعي

عنزي
حسين هوساوي ماكين دوخي
غالب عباس
الزيلعي بدر
سعود ريان

مدري ليه احس ان ريان بيلعب .. يمكن لأن السهلاوي بياكل هوا بعد اللي صار وكأني أرى موينع
جديد وفي الحالتين المشكلة مع شخص واحد ..!!! والحارثي انشطب عليه وبقى الحارثي ..
مع اني فعليا اتمنى اشوف القحطاني وسط يسار والزيلعي يمين وقدام بدر وريان ..
كذا بأشوف بلاوي من جد بالملعب لكن هذا مستحيل لأن المدرب رايح فيها !!

فريق بختاكور بطئ لكن تكتيك عالي + استغلال العرضيات سواء فاول او ركني او حتى لعبة متحركة + اجسام قوية ..
النصر لعبه كله عرضيات ( يعني راحت علينا ) احتكاكات ضعيفة .. تكتيك وصلنا فيه للصفر ..
المحصلة الأخيرة اسلوب اللعب لازم يتغير عشان نقدر نكسب هالمباراة ..
برأيي الشخصي والمختصر اللاعبين يحتاجون يتركون اسلوب اجري اجري اجري وارفع ..
يحتاجون التسديد .. يحتاجون اختراق من الاطراف .. بمعنى يجري ويدخل لل16 من الطرف ويعرضونها ارضية ..
بدل ماكان هدف بدر في الذهاب ،، ومثل ماكان هدف السهلاوي .. لعب اطراف ودخول للعمق ..

اللي بيسويه المدرب هو اللعب الطويل ويخلي سعود يجري ويجري ويجري وانتهى ..
وهذا محصلته الأخيرة ان الفريق يلعب بروح منتهية نفسيا .. وبمعنى ثاني خربطة في الملعب .. اضف فوقها ان اللاعبين مضغوطين نفسيا ..
الجمهور اصلا قالب عليهم ومع اي حركة غلط الضغط النفسي بيزيد وردة فعل اللاعبين بتكون اسوأ ..

ودي اجلس احلل واقول نسوي ونسوي .. لكن في هالمرحلة محتاجين اللاعبين نفسيا اكثر من التكتيك ..
نبي حماس اللاعبين حتى لو بدون تكتيك ( لأنه اصلا مابيكون فيه شكل للفريق )..
الجري والتفحيط والاستهبال من قوة الحماس ذا اللي نبيه بالفريق ..
لكن تبقى مشكلتنا واللي كلنا تكلمنا عنها .. اللمسة الأخيرة للفريق جدا سيئة ..
بعد ما كان الفريق الاقوى هجوميا صرنا الأسوء هجوميا .. هجمات بالهبل الفريق مايسجلها ..
فرص كثيرة قدام القول تضيع .. والمدرب بكل بجاحة يقول: مشكلتنا اللمسة الأخيرة ..
طيب وش دورك باللمسة الأخيرة ؟؟

عموما اختصر هالكلام كله واقول .. في حال ان ماكين موقف اتوقع بأشوف عيد يعني مايفرق كثير..
ابي اشوف الفريق يلعب كور ارضية .. تمريرات ارضية .. عكسيات ارضية .. لعب سريع ..
جري .. لكن مابي اشوف عرضيات نهائيا لأنها مستحيل تكون لنا ،،
وبالمقابل نركز على عرضياتهم لأن لعبهم كله بيكون كذا ..
ولو تلاحظون كلامي بتعرفون اننا سيئين جدا في العرضيات اللي علينا + مستحيل نلعب أرضي ..
المحصلة الله يوفق اللاعبين ومالنا إلا الدعاء ..

معليش يعني حاس ان التحليل كأنه لعبنا ضد الاتفاق شخابيط لكن الفريق فعلا شخابيط ..











لا أحد يكابر ويقنع نفسه إن الأوضاع بالنصر مطمئنة وماشية تمام
وهزيمة الإتفاق مجرد حدث عابر .. دليله قلة الهزائم وإحتمالية وقوعها بأي وقت !!


من الأهلي للسد للهلال .. لا أريد أن أقول بأن هزيمة الإتفاق بعد هذهـ السلسلة أصحبت
كـ القشة التي قصمت أبو ظهر البعير !!

ولكنها تراكمات انفجرت بها مشاعر كل النصراويين حينما انتهت
سلسلة آخر 4 مباريات بهزيمة موجعه فنيا ومعنويا ومركزيا !!

نحن حقيقة بأشد الحاجة إلى من يخرجنا من هذا الجو السيء على عكس ماهو متوقع ..

الأمور ليست على مايرام .. هي بالفعل ليست على مايرام ، على جميع الأصعدة ..
إداريا وعناصريا وجماهيريا وإعلاميا .. اوهـ ..
آسف لايوجد مايسمى بإعلاميا !!

نحن لانملك مثل هذا الشيء .. نحن نواجهه فقط !
بثوب إعلام الجار علانية .
هذا وقته وهذهـ فرصته لينقض على ماتبقى لنا .
كلنا نشاهد أخبار كثيرة ومتفرقه عن النصر خلال اليومين هذي
في مختلف الصحف .. هم يستغلون حالة الربكة النصراويه الحاليّة ..
ويزيدوا من الضربات على الجسد العالمي الطاهر ، قاتل الله سوء العمل !


.. أدخل بالأمور الفنيه .. دراغان حتما لن يفاجئنا بتشكيلة مختلفه عن آخر مباراة .. لأنه سيغير بالتشكيل ولن نتفاجئ !
هي طبيعته وعادة .. ستتغير معالم الفريق تكتيكيا وعناصريا ، ولكن علّة ينجح !

مهم ألا يخترع ويفكر حبتين زيادة

الحارس يبقى حارس والمدافع كذلك والوسط والمهاجم !
بيتري سنتر .. هوساوي ظهير ، سهلاوي طرف .. الخ

ماتنفع ياكوتش .. متى مالعبنا على قد إمكانياتنا سنكون في أفضل مستوياتنا ، ومتى ماخترعنا ماليس لكرة القدم علاقة به ..
لن نجني إلا دون مانتمنى !



يقول المثل :


أعط الخبز خبازهـ ، وأنا أقول أعط كل لاعب من المهام مايمكن عمله !
لا سهلاوي قادر على صناعة اللعب ولا سعود قادر على إنهاء الهجمة بصفتة مركون بالصندوق ..
ولا غالب يجيد مايسمى يالظهير الأيمن ولا الزيلعي يعطي بالمحورية الدفاعيه

صدقوني ياعالم .. متى ما وظفنا اللاعب وفق مايملك من إمكانيات
سيعطي مايملك من عطاء .

4-2-3-1

هي الرسمة الأنسب على الورق في نظري ..
بتواجد حسين هوساوي عيد دوخي
غالب عباس
زيلعي قحطاني سعود
( سهلاوي أو ريان )


الفوز بفارق أكثر من هدف هو لا يضعنا بمكان جيد فحسب ..
إنما قد يكون عامل مهم في الصدارة بإذن الله إذا لعبت نتائج الآخرين في مصلحتنا .


مباراة مثل باختاكور .. من العيب أن تغيب نقاطها الثلاث عنّا ..
بل أن أرى أنه من الفشل والفشل بذاته حينما لانتصدر مجموعة
( تافهه ) مثل هذهـ !!

لن ينفع البكاء الآن .. ولكن نركز على كيف نتأهل ، ليست معقدهـ هي الأمور ، ولكنها فوز على أرضنا ربما
يكون كافي ووافي للتأهل حال فوز السد على أرضة .

يكفينا مافينا من صدمات ونكسات .. جمهور النصر منهار عاطفيا
ولكنه لن يغيب كليا !
دار مادار في الوسط الرياضي بشكل عام عن إحتمالية المقاطعة ..
ولكن كلي ثقه بجمهور الشمس أن يجدد وفاءهـ وإنتماءهـ !

سنكون على الموعد بإذن الله ، كيف نطالب المدرب واللاعبين والإدارة بكذا وكذا وكذا ونحن نتغيب عن واجبنا ؟؟
لن نغيب يانصر

ستجدنا على العهد الذي بيننا .. سيتكرر المشهد :




أتمنى أن يتكرر .. وقتها سأقول وتذكروا ما أقول ..
ما لا يقل عن 50 % من التأثير المباشر على النتيجة سيكون بيد
هؤلاء
بعد توفيق الله عز وجل .

فجئني بمثلهم


دعواتكم لاتوقف















توقعاتكم وتشكيلة المدرب بالمباراة ..؟؟





:


بالاخير : مقطع معبر للجماهير النصرآويـة

http://www.4shared.com/audio/8lN4pQFB/___online.html


تقبلوا تحياتي فقدته ..

[ ... اللهم وفق نصرنا اللهم امين ...]


: