لا تنادي ع المبادي وإنت أول من يخون ..!

[سليمان الفليج]

لا تنادي ع المبادي وإنت أول من يخون . .
شي ماهو من ضميرك . . الله يعوض عليه . . .

كم جرحنا هالمحاني بالعفو وقلنا يمون . .
وكم تناسينا خطايا . . شوّهت طُهر الوجيه . . .

ياخي إرحم كبريائي وخل طعناتك بهون . .
دام طبعك دوم تجرح . . وطبعي ما اسألك ليه . . .

ماطلبتك مستحيل بس بغيتك لي تكون . .
ولاشريتك بالقليل . . كل مافيك افتديه . . .

كنت اسأل عن مكاني في حياتك من اكون . .
كنت ادور في خفوقك . . ياعسى القاني فيه . . .

كنت انادي الناس بإسمك ومايهم لو يزعلون . .
مايهم عمري وناسي . . دامك إنت اللي أبيه . . .

كنت أبيع اللي شروني وفي نظر عيني يهبون . .
لأن قلبي بس يبيك . . وحتى عيبك مشتريه . .

ضامي ٍ قلبي و جيته جايب جروحك مزون . .
يامُزُن أدمى حياتي . . وأنـــا لا زلت أحتريه . . .

لا تنادي ع المبادي بس والباقي يهوون . .
وشي ماهو من ضميرك . . الله يعوض عليه . . .