اهداء خاص للرائديه

[احبك الوفاء]

[align=center]السلام عليكم ورحمة الله وبركاته

بسم الله الرحمن الرحيم




الدكتور / مؤمن الريفي .... دكتور متخصص في جراحة العيون ... في دولة قطر الشقيقه ..... الشاعر حمد بن فطيس المري جسد هذه القصيده كانه يطلب العلاج من الله سبحانه اولا ومن ثم الدكتور مؤمن الريفي ....

خيال الشاعر ليس له حدود ...

والتشبيه الفكري للشاعر رسم لنا صوره وكاننا نعيش معه في رحلته للقنص وفي عدم قدرته على البصر .. ثم يجسد خوفه على سره المدفون بسطور من ذهب قلما نجد لها مثيلا...


اقدم لكم هذه القصيده ..



قراءه ممتعه للجميع

..


يا مؤمن الريفي انا جيتك زبون ...... جيتك على مدح اكثر الناس وعنيت

جيت وتعالى الله عمّا يشركون ...... لولاه يا مؤمن لطبك ما اهتديت

راضي بحكم الله علي مهما يكون ...... عالج عيوني لو بعد طبك عميت

ودي أخاشر فالبصر من يبصرون ...... واشوف دربي لا سرحت ولا ضويت

والى قنصت أثبت مع اللي يثبتون ...... واشوف طيري كل ما أوميت ودعيت

ياكثر ما يضرب خويي الطابلون ...... من كثر ما اكلّته مطبات وكليت

وودي اشوف اللي علي يعرّضون ...... وبعض الليالي ودي اسري دون ليت

وأشوف ناس ٍ فالقفا ما يرحمون ...... اما وقفت لصاحبي والا مشيت

من دون نظاره ولا هم يحزنون ...... يا كثر ما كسّرت كشمات وشريت

لكنٌ يا دكتور جعلك ما تهون ...... ابغيك كلمة راس دامك ما بديت

اسمع ولا ابغي اللي وزانك يسمعون ...... ربي كتب يكشف لك اسراري وجيت

صورة عديل الروح عندك فالعيون ...... واخاف تقطعها بموسك ما وعيت

ولا عليك امر إطوها تحت الجفون ...... وعقبه لو تقطع عيوني ما شكيت

هي راس مالي والعرب ما يدركون ...... اني على باب الممات و ما حكيت
يا قــــو قــــلبي يوم قــــفن الضعون ...... اللي على ذاك الموادع ما بكيت

ويا صبر صبري والعواذل يحسبون ...... إني دلهت من الهوى والا سليت

أسكت عساهم من سكاتي يسكتون ...... وانا عن اللي في ضميري ما انتهيت

وادور الفرحه مع اللي يسهرون ...... وان ذكروني خذت فنجال وسريت

أخذت من وقتك يا دكتور العيون ...... عالج عيوني لو بعد طبك عميت

واستر علي واللي معك لا يفطنون ...... أنت الوحيد اللي بعد ربي دريت[/align]