ـ
ـ
ـ
ـ
ـ
قصيدة أعجبتني ... والرأي لكم أولاً وأخيرا ً ...
يابايـع الدخـان لاهنـت دخــان
.................................... عطني مرض روحي وعطني طبيبي
عطني صحيبي قلّه القلب حمسـان
.................................... يابايـع الدخـان هـذا صحيـبـي
شربه ينومسني ليا صرت عمسـان
.................................... يازين كرزه فـوق طبلـون جيبـي
لامن شربته مـودع الهـم طربـان
.................................... والشاي جبته واعتـذرت الحليبـي
الشـاي والدخـان وسعـود خـلاّن
.................................... واللي جمعهم مر وقـت ٍ صعيبـي
وقت ٍ علي جاير واذا زان لي شان
.................................... لين أصبح المحبوب عني غريبـي
ليته حرمنـي كـل مابيـه شفقـان
.................................... بس إني أضمن ما أنحرم من حبيبـي
حبيبي اللي غـاب عنـي ولا بـان
.................................... ليتـه درى عـن حالتـي بالمغيبـي
راح وتركني في دجى الليل سهـران
.................................... اسهر وموق العين لاجلـه سكيبـي
اقفى وانا عقبه على الفرش مرضان
.................................... والجرح أيّس من علاجـه طبيبـي
ماحسّب احساب الجفا نجل الاعيان
.................................... ولاحسـب قلـب ٍ غدالـه نحيبـي
ولا حسب حال ٍ جذوب ٍ للاحـزان
.................................... وجوف ٍ يلوفه لوف حـرّ اللهيبـي
ويله من اللي خابـر ٍ كـل ماكـان
.................................... رب ٍ على دعـوة عبيـده يجيبـي
ويابايـع الدخـان لاهنـت دخـان
.................................... بأشرب وأراعـي نجمتـي للمغيبـي
وســلامـــتـــكـــم
الشاعر / سعود رتيبان الجويّر
المواضيع المتشابهه
العرض الشجري