قصيدة يانفس توبي

[بو حمد]

يا نفس توبي ما بقى كثر ما فـات**الشيـب لاح ولا تقوليـن بعـديـن

فجأة يجيك الموت تبكين حسـرات**وش فايدة كـف الندامـه تعضيـن


اليوم فوق الأرض روحه وجيـات**باكر في وسط القبر ولحافك الطين


العمر مشـواره يعـدي بلحظـات**يا سرع ما يمضي كما غمضة العين


لو عشتِ بالدنيـا سنيـنٍ عديـدات**ما كنّك إلا وسطها ظـرف يوميـن


ما ينفع المنصب وملك العمـارات**ما ينفعـك بالقبـر كثـر الملاييـن


الفايـز اللـي يجتهـد بالعبـادات**يوم القيامـه يتبـع أهـل المياميـن


يا نفس توبي ما بقى كثر ما فـات**يكفيـك غفلـة لا تقوليـن بعديـن

نقل