لآ ضاق صدرك عالي الصوت جره
لو كان قلبك ما يطاوعك مسرور
دنياك لو تسوى من الحِزن ذرّه
ما كان تاليها توابيت وقبور
وما كان للكافر بعمره مسرة
وما شفت في ملكه ملايين وقصور
العمر يمضي بين حلوه ومره
والموت حق وقابض الروح مأمور
دام الحياه الفانية مستقره
ورزقك يجيك وبين الأجواد مستور
لا تنشغل بالوقت برده وحرة
واحذر تصير بقسمة الناس مقهور
حكم القدر لاجاك خيره وشره
أشكر عظيم الشأن والذنب مغفور
والمجلس اللي يزعجك لا تمره
خله تراك بشوفته منت مجبور
والرجل سقها في صحاصيح بره
ومد النظر مابين ريضان وزهور
لا صار وجه القاع ما فيه جره
والمشي حافي والثرى توممطور
ساعات صمتٍ ما ورآها مضره
تسوى الكلام اللي به إذنوب وإشرور
أطلق خيالك وأترك النفس حرة
وخل الطبيعة في حياتك لها دور
وبالليل لا بانت نجوم المجرة
أذكر بديع الخلق بـِ إحـساس وشعور
واسجد لرب الكُون مره ومره
وأحفظ لسانك وأترك الكذب والزور
وفروض ربك خلها مستمرة
وطاعتك لا يدخل بها نقص وقصور
ودي لكل من توآجد هُنآاآاآ ،، }~
المواضيع المتشابهه
العرض الشجري