السلام عليكم ورحمة الله وبركاته
قصيدة للشاعر فلاح عشوي العنزي
لاتساليني وش جرى في حياتي
خلي همومي بالحشا مستقره
لو استعيد بواقعي ذكرياتي
احيا واموت بثانيه الف مره
اعيش لياجيت احتظر في مماتي
واموت لاجيت اهتني بالمسره
ليه الفرح في بعض الاحيان ياتي
والحزن كله وسط قلبي مقره
الصمت ثوبــي والمواجع عباتي
وجروح تنزف بالحشا مستمره
هي تجمع من جميع الجهاتي
وتجاوز حدود الفلك والمجره
لولا غرامك مابنيت امنياتي
من حقي امنحك الغلا واتشره
ياليت حبك ماسكن وسط ذاتي
مثل المطر فيه النفع والمضره
مرثيه عن والدته رحمها الله تحمل مشاعر رائعه
والله لولا الخوف من ربي وكرهي لذنوب
كان اقول ان التراب ابعد عليك من النجوم
يا إلهي تطمئن بذكرك ارواح وقلـــــــوب
لا إاله الا انت نسجد له ولا غيره يـــــدوم
يا العظيم اللي فعلمك جنه ونار وغيوب
تنجي امي من عذا النار والقبر الكــــــتوم
يمه الله اللي يعلم يوم اودعك مغصوب
يوم احطك بالقبر مدري اقوم؟ او ما اقوم؟؟؟
ما هقيت امشي ولا خطوه ولا الحق غروب
من عرفت ان الفراق اليوم صارامر محسوم
صارت الدنيا تدور ولا عرف الدرب نوب
مثل الاعمى صرت يمه ما علي شره ولـــوم
الوكاد اني غديت بصوب والدنيا بصوب
والحياه الله يجيرك صارت اقسى من الـــــلزوم
كل ما اذكرك يمه يحترق شمع ويذوب
يخترق صدر المفارق من كثر ما صار محروم
اذكرك وانت هنا وهناك يا صعب الهروب
وين ما اناظراشوفك في عيوني كل يــــــــــوم
اتخيل طلتك ومشيتك فيها الدروب
حتى صوتك اسمعه نفس السوالف رحـــــــوم
صار بيتي في عيوني موحش وكله عيوب
من رحلتي لا خبر ولا علم ولا عين تنــــــــوم
ما بقى للبيت نور ولابقى للجرح ثوب
لا بقى الا ذكريات بيني وبينك تــــــــــــــــدوم
يمه الله لا يعاقبني ولا كني اتوب
ليت ربي ما خلق فرقا ولا موت وهـــــــموم
ادري الجنه تحت رجليك ولله الوجوب
اسال الله الرضى والفوز يا الحي القــــــيوم
المواضيع المتشابهه
العرض الشجري