موقف محرج + موقف مضحك !!!

[احساس رسام]

السلام عليكم

ازيكم وشخباركم المهم هذا الموضوع لو تاخذونه بعين الاعتبار راح تجدون انه ممتع جدا وهو كالتالي :

كل واحد فيكم يذكر موقف محرج صار له وموقف مضحك زالبدايه من عندي ,,,,

مره من المرارير في الرياض كنت توني متوظف في شركه وكانت شغلتي اداري الزبده كنت مرسم وطاق ام الشماغ وكاشخ حدي وماباقي الا اغني من اللي في البشر قدي .. وانا نازل من الدرج من الدور الثاني في الاداره الا واشوف مدير الشركه وصاحب الشركه تحت مقابلين السلم وهي اللي تضيع اعلومي واحاول اضبط مشيتي ماقدرت مدري وش جاني ضيعت مشيتي شوي وانا اللي تزل رجلي من الدرج ووالله ماوعيت الا وانا طايح من الدرج وعقالي تقول طاسه كامري يدحرج من بينهم رفعت عيني وانا اطلب من ربي انهم مايضحكون والا يووووه ودهم انهم ضحكوا ولا هذيك الابتسامات اللي مالها داعي المهم طاح وجهي واسبوع مادشييت الاداره ادارة الشركه هذا موقف محرج ,,,,,


الموقف المضحك : كنت جالس بمجمع في الخبر اكل ذره <~~~~~~<< ترا يموووت في الذره
واطالع بالرايح والجاي وفجأه حلوه كلمة فجأه ايه ترا متأثر بالقصص الرمضانيه وشد انتباهي اطفال يلعبون في محل وجلست اطالع فيهم وشوي والا هذا الطفل الصغيــر اللي دعس وطلع من المحل وانحاش عن امه وعاد امه مسويه ذكيه راحت من تبي تختصر المسافه علشان تمسك ولدها وماوعيت الا وطاااااااااخ الحرمه المسكينه في القزاز هههههه واجهة المحل كلها قزاز والبوابه حقت المحل زي الكراج وبجانب الكراج هذا من يمين جدار من قزاز ويسار نفس الطريقه فكان اللي على اليمين مافيه معروضات يعني كأنه طريق مفتوح للخروج والدخول والمسكينه والله لو انكم شايفين شلون صدمت القزاز ن تضحكون سنه قدام انا ماقدرت اسكت والله اني طلت وانا فاقع من الضحك هههههههههههههههه والله اني اكتب وانا اضحك ...