:
مدام الشوق ما جابك
وبقلبي الشوق متنثر :
غيابك حيل يذبحني ..
ويخلي الحب يتعثر !
قليل إن قلت في حقك
ومهما قلت أنا مقصِّر !
كثير أشياء تدفعني
عليك ،
إعذرني ما أصبر !
أحبك ( لا ) ما أبيها !
أبي أكثر من [ أحبك ] ...
ومدامك دنيتي فيها
حبيبي ما أبي " أكثر " !
قدرت أنسى جميع الناس
وفعلاً صرت أنا ناسي ..!
يا ماخذ منِّي الإحساس
أبي أنساك ....
ما أقدر !!
معاي إنتَ أكون بخير
وقلبي حيل مستانس ..
عن العالم حضورك غير
وفيك [ الكل ].. متأثر !
تبي تقسى تبي تبعد ؟
وأنا أشتاق لك ويَّاك !
تعال إن جابك الموعد
أنا ما أبيك ( تتأخر ) !
حزين القلب بـ غيابك
وفيه الجرح ما يصغر
أقول أشفى مع المُدَّه !
وأشوفه يكبر ..
و يكبر .....!
:
المواضيع المتشابهه
العرض الشجري