ياضيقه(ن) ولي من الصدر تكفين=
وشلك بشخص(ن) دمعته ماكناها
غريب دار وفوقها فقد غالين=
ومالوم عيني يوم هلت بماها
ويالله انا طالبك ياربي اتعين=
تعين عبداً ركعتة مانساها
وتغفر لابي وامي وربعي الادنين=
وتزيل هماً ضيق ارضي وسماها
والبارحه مابين بسري وعلى وين=
من ضيقت(ن) وصلت بصدري مداها
قمت اتوجد واصفق يسار بيمين=
واقنب قنيب ذياب جوعً طواها
سبَت رساله جات في يوم الاثنين=
هاضت خفوقي للديار وقراها
وقريتها والدمع في محجر العين=
بيت(ن) وحيد(ن) كان في محتواها
(متى على الله نطوي العفش ماشين)=
(يم الديار اللي ذبحنا غلاها)
المواضيع المتشابهه
متى على الله نطوي العفش ماشيين,, يم الديار اللي ذبحنا غلاها
العرض الشجري