) الخطوة الاولى .. المحبالة ..
نظرا لما يتمتع به الضب من ذكاء فطري ( امحق ) يجب ان تخطط جيداً
لكي تصيده في اسرع وقت ممكن واليكم اسرع واسهل طرق صيد الضبان
وهي ( المحبالة ) بواسطة حبل صغير بلون طبيعي من لون الحجر ..
________________________________________
2)الخطوة الثانية .. الانتظار ..
بعد وضع المحبالة جمع لك حطب وشب الضو وقرب دلالك وزبط لك فنجال
وبيالة شاهي مخمخ عليهن .. وولم القدر والبصل لان الضب يحب ريحة البصل
ومن يشمها يجيك سافط الطبلون .. وطبعاً قبل لا يشم الهوى تلقطه المحباله
يقوم يرافس ويصيح والحبل ملتف على بطنه وظهره .. انت سو نفسك ما تدري عن شي كمل قهوتك ولا تعطيه وجه ..وامر الله من سعة .. طبعاً هو يبي يترجاك
وينخاك زلبه .. ما عليك منه طلع سكاكينك والعدة وحطها قدام خشمه على شان
يموت بجلده .. وبما انه ( انت يالضب ) ذكي وفهمان .. يبي يسوي روحه ميت ..
وانت طبعاً ما تفوت عليك الحركات ذي .. تقهو .. ومز لك زقيرة .. اذا انت تزقر ..
واذا خلصت اجدع عليه القطنه على شان ينقهر ..
____________________________________________
3) الخطوة الاخيرة .. انتحار الضب ..
من الطبيعة الفسيولوجية انه اذا انقهر يقوم بذبح نفسه وهو ما يسمى بلغة العصر
الانتحار .. لان نفس الضب عزيزة وما يتحمل يشم ريحة الهيل .. لانه عنده حساسية طبيعية من ريحة الهيل .. اذا قام يلوي عكرته ويحك بها خشمه .. تاكد انه يبي ينتحر .. علشان كذا الحق عليه بالسكين امسكه مع علابيه ووجه راسه للقبلة
وقل (( الله اكبر )) ومن يدك اجدعه على طول بالقدر .. وبالهناء والعافية .
______________________________________________
تعليمات هامة ..
1) اذا كان الضب متاهل .. يعني قد اعرس من قبل لا تذبحه على طول .. اصبر لين تجتمع العيلة وابطحه قدامهم .. علشان يكتسبون مناعة طبيعية بالمضببين .
2) عكرة الضب .. انواع .. وافضلها العكرة الذهبية
لكن في حالة المستخدم .. لاحظ وجود بقعة سوداء في طرف العكرة .. فهذا يعني بان الضب كان يلعب بذيلة من وراء الضبة ( انثى الضب ) ..لذا لا نضمن عدم وجود مواد سامة بالعكرة .
3) يفضل تناول الضب مع الكبسة وتحلي عقبه بسطل لبن .
4) اذا لاحظت ان لون الضب غير طبيعي وانه املس زيادة على اللزوم .. ومخوضر شوي .. لا تاكله .. اذبحه واجدعه .. لانه ضب خكري واكيد لحمه متربي على الهمبرجر .
ههههههههههههه و ش رايكم ؟؟؟؟
مع تحيات****فتى الخبراء****
المواضيع المتشابهه
العرض الشجري