حَصرياً للرَآئِديَه : ِ~ أبريق الشاي.|~ ‏

[سـَمآ ♪]

بسم الله الرحمن الرحيم
السلام عليكم ورحمة الله وبركاته

من ايام الطفوله الشقيه..

في يوم الاربعاء كنت عند عمتي بالمطبخ ومعي بنتها و2 من عيالهم..<<شله الطفوله.

عمتي جالسه ترتب ارفف المطبخ..وهي ترتب شافت كيس فيه طرطعان(شراخي)

فا قالت لي حطيه بالزبالة..انا هنا طرت من الفرحه..وقلت للشله ان عندي طرطعان..وقالت بنت عمتي خلينا نولعه بالحوش.طبعا انا اخاف اولع الطرطعان..
فا اقترحت نولعه بكرا الظهر عشان ما يكون علينا مدرسه.يوم الخميس..

والطرطعان يكون معي. والولاعه مع عيالي عمتي..احتياط من الغدر فيني..

المهم..

تقربيا الساعه 10 ونصف الصباح..دق تليفون البيت<<ياقدمي

بنت عمتي المتصله تذكرني بالموعد..وعشان ماأ نسى الطرطعان اجيبه.

المهم وانا اسكر التليفون واركض للموعد..وانا أفتح باب الشارع اللي قدامي جارتنا الله يذكرها بالخير..

تقول لي وين رايحه قلت عند عمتي قالت لي تعالي كل يوم وانتي عند عمتك قلت لها اليوم خميس وكلهم متجمعين نبي نعلب مع بعض..

قالت لالا ما تروحين قبل ما تسوين لي ابريق شاي.قلت لها امي داخل وعندها شاي وقهوه..قلت لالا انا ابيك انتي تسوينه لي.

وانا اتهاوش معها سكرت الباب علي. وبعدها امي سمعت الصوت وجت وقالت لي روحي سوي الشاي وبعدها انقعلي روحي ألعبي..

وانا مرتفع ضعطي كل ماتشوفني تقول لي سوي لي ابريق شاي.

قلت لازم اخليها تووب تقول لي مره ثاانيه..

ودخلت المطبخ اسوي لها الشاي. مع الخلطه السريه..ههههه
ما خليت علبه من علب البهارات ما حطيت منها..

وبعد ما خلصت من الشاي نزلته عندها..وطيران عند عمامي..

ولما جيت لقيت الشله معصبه ويهاوشوني ليش تتاخرين علينا.
قلت لهم السبب جارتنا..وش سويت له وفرحوا.قالوا تستاهل أحسن.
المهم..

وانا اعطيهم كيس الطرطعان..قال ولد عمتي لازم نسوي جبل صغير عشان
نخلي الطرطعان واقف..رحنا بالارض الفاضيه اللي عند بيتهم..

وسوينا جبل وحطينا 5 طرطعانات..مره وحده..المهم الولاعه اللي معنا كانت ع التراب وما صارت تولع فا اطرينا نجيب كبريت.. وصرنا ع شكل دائره عشان الهواء.ما يطفي عود الكبريت..

طبعا حنا الظهر..يعني ما نقدر نشوف زين اذا الطرطعان ولع او لالالا
وحنا متاابعين أنفجر الطرطعان وحنا جالسين..عنده عشان الهواء.
وكلنا وقفنا وعيوننا طايره ومانسمع غير صوت الانفجار..ودارت الدينا فينا..
متاثرين بتوم وجيري لما ينفجر الطرطعان عندهم تصير وجيهم سوداء..

طبعا انا رحت اركض للبيت عشان اشوف وجهي بالمرايه..ونسيت وش سويت بجارتنا..

لما دخلت البيت استقبلتني امي ..
بالورود..ومواي ورد ورود من نوع خاص...
افهمها عاادي



بعد مرر السنيين أكتشف سبب أعجاب جارتنا بالشاي اللي اسويه..

ياحرام طلعت حامل وتعاني من الوحام هههه ع شاي حقي.ههههههه