ياحزن وش اللي بقى منك تهديه
كل يوم تهديني من الهم باقه
خاويت قلبٍ الفرح ما يخاويه
وعنده من بنوك التعاسه بطاقه
علاقته وياك غبن ومشاريه
علاقة ٍ ياشينها من علاقه
وياموت ويش اللي بقالي تخبيه
ماعاد لي ياموت للصبر طاقه
أكرهت حلو النوم ياموت ماأبيه
والزاد مرن في لساني مذاقه
اضحك وفي صدري من الحزن مافيه
ومال الفرح ياموت بالقلب فاقه
ذود الحزن بالصدر زانت مراعيه
في صدري المجروح مليون ناقه
الدمع بعيوني مرسي مبانيه
وبيني وبين الحزن فزعة صداقه
الحزن صوب القلب عجله خطاويه
ولا الفرح ياموت يشكي الاعاقه
دمعي نشف ياموت من عاد ببكيه
خذيت من ربعي أعز الرفاقه
ماتاخذ الا كل حر ٍ هقاويه
فوق النجوم وصيدته تحت ساقه
عوق الحريب وعون للي يخاويه
محشوم من فعل الردى والحماقه
ازحول الرجال / وقصر الامجاد تبنيه
اهل الكرم والمعرفه والطلاقه
الكل منهم ثوب الامجاد كاسيه
يشفق على فعل المراجل إشفاقه
كل ٍ إعياله بالذكر تفتخر فيه
الذكر مثل العود وقت إحتراقه
ياموت ويش اللي بقالي تخبيه
خذيت من ربعي أعز الرفاقه
فيصل الوعيلي
المواضيع المتشابهه
بيني وبين الحزن فزعة صداقه
العرض الشجري