عمر المراجل
عمر المراجل ماتحدد بالاشكال
وعمر العفن ماذاع بالطيب صيته
يبقى على ماقيل جماع للمال
ردي نفس ولو بحالك فديته
وإلا الرجل تعرف مباديه بالحال
وتعرف بعد وشلون لامن نخيته
يعجبك في حاله وقوله والأفعال
ويعجبك لامن جيت عاني نصيته
ذكره بقى تاريخ عايش للاجيال
بعلومهم هي ساس مجده وبيته
هذا نعم هذا كفو طيب الفال
هذا اللذي من شان طيبه هويته
وأنا انا ياصاحبي صرت رحال
بافـــكار قــافي شامخاته رقـــيته
شفت العجب في لحظه الصمت غربال
في لحظــته شديت قافي وجـــيته
أحيان أحس إنالمبادي بالأقوال
من يوم خاب الظن من هوهقيته
وأحيان أقول إن الأمل صدررجال
بحروف شعره مجد عزه خذيته
وأحيان لا والله إلا ولا زال
نــبع الكرم ساس المراجل لقيته
في كل شخص حسب لقول منقال
حسب لها حــــتى ولو ماعطيته
يكفــــــيه علم غانم رغم الاحوال
ويكفــيه ذكر حروف شعر قريته
ان المراجـــــل ماتحدد بالاشكال
وان العفــــن ماذاع بالطيب صيته
فهيد البقعاوي
من انشاد المبدع
المنشد محمد العبدالله
المواضيع المتشابهه
العرض الشجري