*** كشته مع ابو رائد ولا في الخيال ***

[حنين]

اولا الموضوع هذا كان بقسم المطبخ

و جلست اقرا فيه و اموت ضحك


و قلت لازم اخليكم تشوفونه

و الكل يطلع عليه و يضحك مثلي


موقف لابو رائد لا يحسد عليه


و ياليت تثبتونه

علشان نضحك كل يوم



واخليكم مع الموقف

اقتباس المشاركة الأصلية كتبت بواسطة أبو رائد السلام عليكم ورحمة الله وبركاته بداية .. أشكر بالفعل الأخت ( حنين ) على هذا الموضوع المميز .. والذي يجبر الجميع على المشاركة الفعالة .. والبحث عن غير التخصص من أجل الإلمام بكل ما هو مفيد بالحياة <--- داخ من كثر ما هو يبحث عن طبخات أول شي أنا مالي في الطبخ .. ولا أحب شيء اسمعه طبخ في احد المرات اخذت العزبه ( أدوات عمل القهوه والشاي ) وطلعت للبر لحالي ابي اصلح لي قوه وشاي وصلت للمكان ونزلت من السيارة ( لكن تذكرت ) إنه ماعندي فرشه بالسيارة .. فقلت بسيطه نزلت ( العزبة ) إلا اتذكر إني ما جبت ( ماء ) قلت كيف اصلح قهوه وشاي بدون ( ماء ) المهم إني رحت للمحطة وجبت فرشه وجبت (ماء) نزلت كل شي من الشطنة وتذكرت اني ما جبت كبريت رجت مره ثانيه للمحطة اجيب لي كبريت رجعت لفراشي .. وفتحت ( الدافور ) وركبت القهوه .. وبعد ما خلصت ادور الفناجيل والكاسات ماحصلتها قلت نروح مره ثالثه للمحطة ولما وصلت المحطة قلت ماني ناسي شيء هالمرة اخذت كاسات وفناجيل ( وتمر ) ومزحت مع الهندي شوي وصورته بالجوال وهو يغني ( تشوفونه وهو يغني بالمرفقات ) ثم رجعت لقهوتي .. كملت القهوه .. وتقهويت <-- أخيرا وانا اتقهوى صرت اصلح الشاي .. خلص الشاي حطيت اللبــتن .. ( حبتين على بريق صغير ) الا الشاي للحين لوونه باهت .. رحت حطيت حبة لبتن ثالثه .. ومازال استغربت .. قلت مشي الحال نشرب الشاي علشان نمشي قرب المغرب ولما تقهوت .. اكتشفت إنه ماطلع شاي اللي نعرفه طلع .. شاي .. أخـــضـــــر