[poem=font="arial,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الفكـر شـارد وانـا ودي ولا ودي=والعمر محدود والانفـاس محسوبـه
وأنا من العقـل متعشـي ومتغـدي=والحمدلله أعـرف الدهـر ودروبـه
والله فلا أطمع بثوب مايجـي قـدي=يوم أكثر الناس دايم مسبل ن ثوبـه
وشلي على اللقمه اللي في طرف يدي=ما أقدر عليها وهي ما هيب مكتوبـه
كم واحد يحسب إن اللـوم متعـدي=واللوم غآشيه من راسـه لعرقوبـه
نتبع ظروف الزمن ونجيب ونـودي=ونقوم ونطيـح كـل دون ماجوبـه
ما بين موج البحر والجزر والمـدي=تبقى الثقة حاجة في النفس مطلوبـه
حتى لو إن الظروف تسير في ضدي=لابد ترجع ظروف الوقـت مغلوبـه
ورث ورثته ورثه أبوي عـن جـدي=ماهين نفسي ورى اللي ينفخ أجنوبه
أعز نفسـي وأنـا مانيـب منحـدي=الأمر لله وباب الرزق مـن صوبـه
إخوان يوسف من أصل الأب والجدي=خذوه مره وراحـو بـه ولا جوبـه
يبقى الردى في عيون الناس متردي=متوقي في لحافٍ يستـر عيوبـه
هذا وانا طول عمري مانكشف سـدي=عالي النظر والقلوب السود مقلوبـه
أساير الوقت واثر الوقـت متحـدي=يطرح ويجرح ونار الموت مشبوبـه
لا..واعساها سحابة صيـف وتعـدي=الهاجس اللي يلوف القلـب ويلوبـه
أموت وارحل ودمعي ماوطى خـدي=حتى لو الروح مسلوبـه ومنهوبـه
[/poem]
الشاعر : سلطان سعيدان
المواضيع المتشابهه
العرض الشجري