مدخل /
اربع اعياد مرت بغيبتك ياخلّي
مرت وانا للحين ياخلّي أذكرك !
العيد قرب ياغايب . قـرّب العيد
العيد قرّب . وأنـا مـانـسيتك !
أذكرك انا للحين من . دون تحديد
وياليت تذكرني . ياخلي ياليتـك !
أقسم لك الحال . مافـيه تجديد
الحال نفسه على خبرك . فديتك !
الكـل يوم العيد ينطـق تغـاريد
وانا بعـيدي واقف قبـال بيـتك !
والكل ينشد في صباح العيد اناشيد
وأنا نشيدي . ليتني ما شـريتك !
تعبت انا ارسم من خيالي مواعيد
وفي كل موعد أقـول إني لقيـتك !
وأرجع من الموعد وانا كلي تناهيد
ياليت تطريني .. مثل ماطريتـك !
جاء عيد . وراح عيد . ويجي عيد
صعبه أنـا أنساك . لأني هويتك !
زيـد بـغيابك قد ماتقدر تزيـد :
لو اقدر أنساك مبطي نسـيتك !
مخرج /
ياللي غيابـك غير كل الغياب
ارجع ترى صاحبك ماهو بخير !
قصيدة متواضعه ماحبيت أبخل عليكم فيها
وكل عام وأنتم بخير جميعا
عبدالعزيز محمد العنزي
المواضيع المتشابهه
][ العـيد قرّب ياغايب . قرّب العيد ][ !!
العرض الشجري