( بين الثريًا ) والثرى .. فيه شتان

[سند مطر]

وش لي بسب فلان وفلان وفلان
..... مادامني بين المزاحم تفوقت

لكن بحاول ( بالهجا ) قدر الامكان
..... أترك طواريقه يلو به تضايقت

واجعل ثلاثه .. غافرة كل إنسان
...... والرابعه , يبطي اذا عنْه دنقت

والله , لتوبه غلطته , كل الاحيان
...... ويقول , ياربي علامي ( توهقت)

مايدري , اني بالشعر مالكن ( جان )
....... واني على , كل الطواريق حققت

لكن , صحيبي , يبشر بطيب الاوزان
....... مادامني , في طيب خوه ( تعلقت )

ولا انا , ماني من الناس , خسران
....... مادام , في كسب المعالي تشوقت ..!

احشم , رجال الطيب , عن قول .. حقران
........ ولاني , بربي بالخلايق .. تملقت

من صغر , عمري جاعل الطيب , عنوان
....... ودايم , على رقي النوايف / تسلقت

ولا الشعر , دمي وبه , صرت كسبان
........ كني مثل طيرن على السحب حلًقت

عاد اسمع اسمع ,, يبن الاجواد ( بذعان )
........ مادامني .. في طيب الاشعار روًقت

( بين الثريًا ) والثرى .. فيه شتان
......... لا تلومني ..لا صار بالناس س فرقت

ياصاحبي .. اشمخ سما .. وارفع الشان
......... مادام .. في خير البنادق تبندقت ...!