كذا يعني..كذا فجأه ..تغير كل شيء فات
كذا زالت مواثيق الغلا والحب من ذاتك!!
كذا كنت..كذا صرت..كذا خيبت الهقوات
كذا.. والاكذا..ضيعت دروبي وخطواتك!!
انا مل الامل فيني..يدور للشفاة اصوات
عجز صوتي ينادي لك ..قضى قلبي من سواتك!!
نصيتك والوفاء زادي..وخليت القلوب اشتات
مصايب والرجاء خايب..تقود خطاك رغباتك!!
كبيره طعنتك هذي..تعودت على الطعنات
غريبه حيل ذا المره..ولاهي مثل طعناتك!!
سألتك بالذي خلى عيونك تذرف الدمعات
تكف الدمع لا تجني على خديك دمعاتك!!
انا ما قد خبرت اني تعمدت اجرحك بالذات
وانا ما همني غيرك اعيش من اجل مرضاتك!!
سرقتك بالزمن لحظه وعشتك بالفراق اوقات
ولا ادري وش بقالي بالعمر من دون لحظاتك!!
احبك رحت ادور في قواميس البشر كلمات
عجزت القى حروف تستريح بصدر كلماتك!!
احبك..ياندى فجر الجروح وصحوة العبرات
احبك..كلمة تبكي معانيها على شفاتك!!
تظن الوفا كلمه عجب وأصل الوفا وقفات
صغير الشيء في ظنك يصير اكبر معاناتك!!
ترد الخطا يمي ..تزيـد الالم شرهات
وانا صمت الشقا فيني حكى من كثر شرهاتك!!
توالت كلها فجأه..تعاظم بالحشاء صدمات
يجي يوم وتواري شمسنا من ليل صدماتك!!
ذكرتك ..والدروب اللي تعانق خطوتك بسكات
وانا ما زلت اسافر بين نظراتك وضحكاتك!!
ذكرتك ..وانطفى جمر الكلام وذابت الشمعات
سهرتك واستفزيت النجوم بليل عبراتك
تعال واذرف دموعك على قلب كثيره مات
تعال ..وخذ الباقي يفيد لوقت عوزاتك!!
تعال لا تخلي السنين المقبله تقتات
من افراحي ولحظاتي وطرباتي..وسبحاتك!!
تعال ..ووعدني ..لاشقا..لا كذب..لا غلطات
ترى ما للصبر باقي على فعلك ..وغلطاتك!!
تغيرت ولا ادري وش جرى وش غيرالنيات
سألتك واعتكفت برد الجواب فـ معطف آهاتك!!
مما راق لي 
المواضيع المتشابهه
كذا ..يعني ..كذا فجأه ..تغير كل شئ فات
العرض الشجري