غلطت غلطة معاهم بس ماني صغير
عطيتهم فوق حق الحب لين انجرحت
أبفقد الذاكرة وأعيش يومي يصير ؟
يَ قلب بتعب على مستقبلي لو سمحت !
فتحت كف السحاب وقلت يالله نطير
طاروا لكن ما خذوني ليتني ما فتحت
المُجتهد اجتهد بس ما نجح في الأخير
مو شرط تنجح بسعيك هذا أنا ما نجحت
حاولت أخبي خطاهم وآتنفس زفير
بس البلا يوم طاحت دمعتي وانفضحت
أحباب كنت اعتبرهم غير والناس غير
وغيّاب راحوا بعيد وشلت قلبي ورحت
أنا أكره الفقد وأكره شي اسمه ضمير
وصلت إلى مرحلة لو اخذلوني دمحت
أنا خسرت أمنياتي بس أبرحل كبير
لكل نهاية بداية .. ليه أطالع لتحت
من كثر ما أحبّهم وأبي لهم كل خير
رغم عذاب المفارق يوم قفّوا فرحت !
للمبدع/محمد المغيرفي..
المواضيع المتشابهه
أحباب كنت اعتبرهم غير والناس غير..
العرض الشجري