قصيدة التجربه للشاعر((نواف الاشرم الشمري))

[راجي الجنان]

. انا وقصيدي .. اتفقنا .. على شي
ان القصيده ماتجي غير فكره .

. ماكل حي ذكره يصير له حي
ولا كل ميت ٍلااندفن مات ذكره .

. وموقف يجي احيان تكره به ال خي
وموقف يمر تعز من كنت تكره .

. خض اصدقاك .. التجربه .. صايره لي
يبان النقي .. وتبين وجيه عكره .

. الناس تفرق .. نتفق كلنا بذي
حال المعرّف ماهو بحال نكره .

. ناس فرج .. بعد الكريم .. ولك الفي
لاصكتك بقعا وهيجنت مكره .

. وناس تهقابه .. بس تطلع ولا شي
ماتسقي الضامي ومشلول فكره .

. بعض الشوارب لو تبي نفعتك .. عي
ثعالب ٍ ماعيشه غير مكره .

. الارض لاجفت قل ب بطنها المي
يعطيك ربي كل مازدت شكره .

. ودام الكرم خلد عطايا ولد طي
بسوق ذودي ماأبي منه بكره .

. يعيش طيبك .. لالقى واحد ٍ حي
ويموت طيبك .. لاتجازى بنكره .

. وارضى بمقسومك ولو تنكوي كي
مقدّر .. وماتدري شفيه بكره .

. ومهما تزخرف دنيتك كلها غي
نهايتك لو طول الوقت سكره .

. وطير ٍ كفخ للصيد مع فجة الضي
وطير ٍ يهد وهدته حول وكره .

. كان الورق بستان ... يمناي له ري
وصدري غدا له بير .. والراس مكره .

. ثم ينبت البستان .. وتقًطف يدّي
ورد ٍلقافي فايح ٍ ريح ذكره .

. لي نهج وحدي .. ماأتشبه .. فقط .. زي
الشمري .. نواف الاشرم .. بحكره .

. يعني قصيدي .. حالف انه ماهو أي
حكي ٍ يمر ولاتجي فيه فكره .